傳羅子溢楊茜堯夫婦花$40萬改名！否認為追仔！想帶旺事業、阻爛桃花？

羅仲謙、楊怡夫婦喺女兒小珍珠半歲時宣佈改名為羅子溢、楊茜堯，佢哋表示係為咗家人更好，而羅子溢否認改名為追仔。有傳佢哋改名咗花$40萬，兩夫婦希望可以帶旺事業、阻爛桃花。

羅仲謙、楊怡夫婦出道多年，今年生下女兒小珍珠羅翊心。喺小珍珠半歲生日時，兩人宣佈為咗家人更好，決定改名為羅子溢、楊茜堯。

Photo from 楊茜堯IG

Photo from 楊茜堯IG

叫咗咁耐，相信好多觀眾都好難改口，佢哋表示：「無論叫咩名，我們依然係你們心目中的我們，未習慣唔緊要慢慢記慢慢改」

Photo from 楊茜堯IG

佢擔正嘅劇集《木棘証人》口碑唔錯，羅子溢喺劇中得知戴綠帽嘅片段令佢演技備受讚賞，事業似乎真係有變好。

Photo from 羅子溢IG

有傳羅子溢楊茜堯搵嚟高人為佢哋改名，共花費$40萬！楊茜堯現時將重心放喺家庭，主力由羅子溢工作努力拍戲，希望改名後可隔絕老公周圍嘅爛桃花。

Photo from 楊茜堯IG

有指佢哋夫婦一齊改名係為咁追仔，但羅子溢否認，佢表示生仔呢啲隨緣，不過承認希望改名可以帶旺事業。

Photo from 楊茜堯IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）