經典再現！《愛回家之開心速遞》「Terry」 李偉健高度還原《大時代》劉松仁經典場面　表情/對白都跟到足！

無綫處境劇《愛回家之開心速遞》除咗不時引起唔少話題外，仲成功令劇中唔少演員入屋。而之前曾經認為自己戲屎嘅李偉健喺尋晚嗰集中，挑戰神劇《大時代》中劉松仁被打成弱智，喺報紙檔工作時因表現未如理想而乞求老闆俾機會嘅經典場面。同依莫經典相比，李偉健真係演到七情上面㗎！

尋夜嗰集中，講述劉丹飾演嘅熊樹根同周嘉洛飾演嘅金城安懷疑熊尚善貪污洗黑錢，而其中一幕 Terry 更同二人指自己喺一場爭奪智障弟弟一角嘅 casting 中，熊尚善寧願揀一個演技比自己差嘅人，而令二人對熊尚善嘅懷疑加深。

Photo from TVB

依場 casting 正正就係還原當時 TVB 嘅一套神劇《大時代》嘅當中一幕經典場面。

Photo from TVB

今次經典再現嘅就係當年劉松仁因被鄭少秋打成弱智而失去工作能力，但為咗家計，劉松仁到報紙檔工作，但因表現唔理想，被老闆叫佢唔使再嚟，佢為咗保住份工，不惜下跪乞求老闆再次畀機會嘅一場。

Photo from TVB

當年依一幕真係感動咗唔少觀眾呀！李偉健今次再重現依一場唔單止喺對白上跟到十足，就連表情都可以話係十分到位。

Photo from TVB

不過當時人就覺得自己當時嘅表現未夠完美，仲指自己可以做得再好啲添！

Photo from 李偉健/IG

唔知大家又覺得佢演成點呢！？

一齊重溫：

當年《大時代》經典場面：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）