【全民造星3】顧定軒被狂串：演員唱歌都係坎坷！自彈自唱《遇見》險跌至復活區　

ViuTV 選秀節目《全民造星3》開播啦！演員出身嘅顧定軒（Zeno）可以話喺眾多參賽者入面知名度最高嘅一位，而佢參加面試、綵排同前哨戰嘅片段亦都喺第 2 集曝光，旁白仲要狂串佢：「演員唱歌都係坎坷！」

Photo from viutv

顧定軒入行 8 年已經拍過唔少電視劇同電影，如《那些我愛過的人》、《翠絲》等，今年仲可以同影帝郭富城喺《麥路人》演對手戲！相比起其他參賽者，顧定軒已經有唔少機會，所以大家都好唔明白點解佢仲要嚟參加《造星3》。

Photo from ig＠zenokoo

Photo from facebook @koozeno

顧定軒就喺面試時表示想透過演戲以外嘅方式同觀眾接觸，同埋想用音樂令觀眾了解最真實嘅自己，但好怕遲啲就再無機會咁做，所以就決定參加《造星3》。

Photo from 《全民造星3》

但顧定軒唱歌的確麻麻，佢喺前哨戰嘅綵排中唱盧廣仲嘅《幾分之幾》唱到走晒音，令到監製花姐都批評佢「唱歌無記憶點」、「變咗一個好普通嘅男仔企喺度唱歌」。旁白亦狂串：「演員唱歌都係坎坷」、仲話「真係衰咗咪返去同天王拍戲囉」！

Photo from 《全民造星3》

Photo from 《全民造星3》

至於兩位導師林二汶同彭秀慧都唔多睇好顧定軒唱歌跳舞，林二汶就話佢對唱歌無乜信心，而彭秀惠就覺得佢唱歌跳舞唔多亮眼，都係靠之前儲落嘅人氣頂住。

Photo from 《全民造星3》

最後顧定軒喺前哨戰中自彈自唱孫燕姿嘅《遇見》，一開聲嗰下林二汶已經皺晒眉！因為佢手結他又唔多熟練，加上歌喉又麻麻哋，所以表演完只有得到卓韻芝一盞過關藍燈。

Photo from 《全民造星3》

Photo from 《全民造星3》

花姐見到之後極肉緊彈起，仲好激動咁話：「畀多一盞佢啦！唔好呀！」而後台兩位導師都相當緊張，睇得出佢哋都好鍾意顧定軒。就連卓韻芝都問另外兩位評判 Eric Kwok 同 Joey Tang 做咩唔撳燈。

Photo from 《全民造星3》

後尾 Eric Kwok 先至撳燈，顧定軒先唔使跌入復活區！後台嘅花姐同兩位導師即刻開心到彈起！

Photo from 《全民造星3》

Photo from 《全民造星3》

而喺顧定軒講緊嘢嗰時，Joey Tang 亦都撳燈，並表示顧定軒畀人感覺好真摯。彭秀慧喺後台亦大讚顧定軒雖然唔多靚仔，但就好有個人魅力同耐看。

Photo from 《全民造星3》

不過網民對於顧定軒走嚟唱歌反應兩極，有人覺得佢真係唔啱唱歌，但又有人覺得其實佢表現都唔算差，仲為佢加油！

Photo from viutv facebook

最後林二汶搶人成功，顧定軒進入該隊。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）