【聖誕好去處2020】全港50+聖誕商場打卡熱點、市集、開放時間一覽 BT21/Rilakkuma/迪士尼/姆明
話咁快 2020 年嘅聖誕節仲有唔夠兩個月就到，雖然今次因為疫情冇得去第二度過白色聖誕，不過喺香港嘅商場都有唔少聖誕裝飾，得意卡通角色都同大家一齊過聖誕，今次就你整合咗全港人氣商場活動，等大家趁假期可以去影相打吓卡～
【新界區】
荃新天地｜東港城｜葵芳新都會廣場｜新城市廣場｜迎海薈｜Mikiki｜青衣城｜將軍澳中心｜｜天晉匯｜千色匯｜PopCorn｜+WOO嘉湖｜馬鞍山廣場｜上水廣場｜YOHO MALL｜ 荃灣廣場｜屯門市廣場｜愉景新城｜如心廣場｜The LOHAS｜大埔林村｜愉景廣場｜東薈城名店倉｜
【九龍區】
黃埔天地 ｜iSQUARE｜奧海城｜利奧坊｜美麗華廣場｜APM｜翔龍灣廣場｜港灣豪庭廣場｜荷里活廣場｜Megabox｜旺角T.O.P｜圓方｜尖沙咀LCX｜海港城｜K11 MUSEA｜D2 Place
由 LINE FRIENDS 以及韓國人氣組合「防彈少年團（BTS）」共同創造嘅超萌卡通角色 BT21，將於今個聖誕以全新造型登陸荃新天地！屆時除設有多個可愛打卡位以及期間限定店外，還特設滾軸溜冰場，讓大家能與 BT21 角色們一同過冬日聖誕！各位 A.R.M.Y 絕對唔可以錯過！
【 BT21 TOWN 期間限定店 】
日期：2020 年 11 月 20 日至 2021 年 1 月 3 日
時間：11am - 9pm
地點：荃新天地一期中庭
【 BT21 滾軸溜冰體驗 】
日期：2020 年 11 月 20 日至 2021 年 1 月 3 日
時間：1pm - 7pm
地點：荃新天地二期中庭
今年係姆明75歲生日！一座5.5米高紅藍色姆明之家將於聖誕節期間登陸黃埔天地！現場還原芬蘭姆明谷各個場景，仲有互動光影設施同浪漫星光隧道，打卡必去！
姆明75週年聖誕光影奇緣之旅
日期：2020年11月7日至2021年1月3日
地點：黃埔天地
3. MOKO 新世紀廣場：MOKO｜Rilakkuma輕鬆小熊TM甜「魅」聖誕
今個聖誕 Rilakkuma 輕鬆小熊於 MOKO 新世紀廣場同大家一起放空，仲有五大甜「魅」主題打卡位及期間限定店，當中包括戶外 16 尺高「Chill」巨型 RilakkumaTM 輕鬆小熊，同大家一齊「Sweet」住過聖誕。
「MOKO x Rilakkuma 輕鬆小熊 甜『魅』聖誕」
日期：11月13日至2021年1月3日
時間：上午10時至晚上10時
地點：MOKO 新世紀廣場
Rilakkuma「輕鬆小熊期間限定店」
日期：12月3日至2021年1月3日
時間：中午12時至晚上8時
地點：MOKO 新世紀廣場 MTR 層中庭
朗豪坊今個聖誕將聯同 TAMASHII NATIONS 舉行「TAMASHII FIGURE FES 2020」，三大展覽主題包括近期熱潮風靡全球嘅《鬼滅之刃》及《 One Piece — 和之國篇》，而重頭戲《新世紀福音戰士》展覽，就會喺 4 樓通天廣場首次展出 2.4 米高超人氣 EVA 機體初號機，重現初號機衝破絕對領域一刻的姿態，以及 EVA 不可或缺的武器朗基努斯槍，經典畫面現身香港，絕對令一眾粉絲期待！
【 TAMASHII FIGURE FES 2020 】
日期：2020 年 11 月 18 日
地點：朗豪坊 4 樓通天廣場及 7 樓
今年係迪士尼動畫《反斗奇兵》25 週年，將軍澳東港城今年就以「反斗夢幻嘉年華」作為主題，場內唔止設有一眾《反斗奇兵》角色外，仲有《怪獸公司》嘅大型 Figure，當中包括「 7 米高超巨型雙層旋轉玩具樂園」、全港首見「抱抱巨型毛茸茸勞蘇房」、巨型遊戲區「三眼仔火箭」造型巨型夾夾機，以及「翠絲牛仔帽大作戰」，仲有「小叉甜品屋」，粉絲們記得去打卡喇！
東港城聖誕「反斗夢幻嘉年華」
日期：2020年11月13日至2021年1月3日
地址：將軍澳重華路8號
今年聖誕，葵芳新都會廣場以四大迪士尼經典童話故事角色為主題，聯乘《富貴貓》、《獅子王》、《小飛象》 及《小鹿斑比》登場。整個環境以木系為主調，打造充滿色彩繽紛的聖誕夢幻國度。場內還有期間限定店，設有多款日本直送及期間限定的迪士尼精品，粉絲們絕對不能錯過。
聖誕冬日童話祭
日期：2020年11月20日至2021年1月3日
時間：10am至10pm
地點：葵芳新都會廣場L4露天廣場
期間限定店
日期：2020年11月13日至2021年1月3日
時間：11am至9pm
地點：葵芳新都會廣場L3
今年置地廣場呈獻節日限定嘅聖誕市集，市集內充滿聖誕氣息及歐洲街頭嘅肉桂香氣。一排排嘅聖誕樹、花環裝飾、舊式街燈、聖誕襪等都每年大家必然嘅打卡位嚟。而今年主打嘅聖誕市集匯聚各式禮品及美食，從豐滿醇厚的烈酒、家居用品至節日禮盒應有盡有，諗唔到聖誕要買咩，不妨去行吓可以會搵到心水嘢㗎！
當然唔少得置地廣塲聖誕小熊與北極小熊共同呈獻嘅 Spirit of Giving 聖誕主題活動喇，今年聖誕小熊會同全新小熊家族成員嘅北極小熊，以及及夢幻雪人喺窩心嘅聖誕小故事中各自捐贈出頸巾、耳罩、糖果、微笑及溜冰鞋，再由聖誕小熊送出特別帽子為雪人灌注生命，以無私嘅奉獻精神呈現 Spirit of Giving，並提醒大家在這特別的時節，不忘分享愛心、善意和思念他人的重要性。
置地廣場 聖誕節日限定市集
日期：2020年11月2日至2020年12月31日
地址：中環皇后大道中15號
新城市廣場今個聖誕就以浪漫象徵觀嘅槲寄生作主題，打造千呎告白聖地。設計靈感源自英國倫敦最具代表性之一嘅柯芬園（Covent Garden），柯芬園擁有三百年歷史，其森林綠色嘅拱廊建築更係唔少人嘅打卡點嚟。場內設有 5 個浪漫打卡位，啱晒同另一半聖誕打卡浪漫吓！
新城市廣場Kissmas In Town
日期：2020年11月6日至2021年1月3日
地址：沙田新城市廣場一期一樓羅馬圓型獻技場
今年載住聖誕老人同一班小精靈嘅破冰船「聖誕老人號」嚟咗太古廣場，為大家帶嚟一場夢幻嘅聖誕奇遇。場內設有多款節日體驗，包括嘉年華遊戲、聖誕小精靈訓練營、聖誕小故事及手作工作坊，更設聖誕老人屋 AR 體驗。
太古廣場 X 聖誕老人精靈小鎮
日期：2020年11月19日至2021年1月2日
地址：金鐘金鐘道88號
10. iSQUARE 國際廣場：Chubbi Chunk聖誕派對
iSQUARE 國際廣場今年將同香港著名玩具設計師及多媒體藝術家 Jim Dreams 合作，以 Chubbi Chunk 為主角打造一系列聖誕主題裝置，圓碌碌嘅身形加上燦爛嘅招牌笑容，化身成聖誕老人，同大家一同度過普世歡騰嘅節日。
iSQUARE Chubbi Chunk Christmas Downtown
日期：2020年11月13日至2021年1月3日
地址：尖沙咀彌敦道63號
外星人登陸奧海城 Alien Planet 喇！今次以「外星星球」為主題嘅 Alien Planet，構建出夢想中嘅外星人與浩瀚太空，現場有多個大型多感官體驗打卡互動裝置，從多方面的觸感探索幻想裡的外星人奇幻生活！！
奧海城 Alien Planet外星人聖誕派對
日期：11月21日起
地址：旺角海庭道18號奧海城2期主題中庭
利奧坊Square Mile由11月起將為一眾漫畫迷打造韓式手繪漫畫風平面聖誕裝置，以全黑白線條營造出平面異次元空間，只要踏進聖誕街，仿如置身於漫畫世界之中，絕對是聖誕好去處IG打卡熱點，除此之外，還有文青聖誕市集，與充滿本地特色的手作品牌合作，帶來多款人手製作的服裝、飾品、皮革等，作為聖誕禮物也不失為一個好選擇！
利奧坊漫遊聖誕街 X 文青假日市集 X 冬日聖誕市集
日期：
【「漫」遊聖誕街】裝置日期：2020年11月6日至2021年1月3日；
【「漫」遊文青假日市集】日期：2020年11月7日至2020年11月29日（逢星期六、日）；
【「漫」遊文青假日市集】時間：下午12:30至晚上8:30；
【「漫」悠冬日聖誕市集】日期：2020年12月5日至2020年12月20日（逢星期六、日）及2020年12月25日至2020年12月27日；
【「漫」悠冬日聖誕市集】時間：下午12:30至晚上8:30
地址：大角咀利得街11號
日本人氣扭蛋「戽斗星球」嘅恐龍系列嚟晒 Mira Place 喇！場內除咗設有 3 大互動體驗裝置外，仲有多個打卡熱點添！
美麗華廣場 Mira Place「SANTA CLAWS」恐龍聖誕派對
日期：2020年11月11日至2021年1月1日
地址：尖沙咀彌敦道132-134T號
APM 今年以《聖誕Bear in Love 熊樂園》作為主題，除設有 100 隻聖誕熊熊遍布全場，仲設有 5 大主題區，25 呎高幻彩聖誕樹，想體驗熊熊包圍嘅大家千祈唔好錯過喇！
《聖誕Bear in Love 熊樂園》
日期：2020年11月23日至2021年1月3日
地址：觀塘觀塘道418號
迎海薈、翔龍灣廣場以及港灣豪庭廣場聯手打造「港飲港食過聖誕」，設有 3 大懷舊港式飲食聖誕裝置，馬賽克花紋牆身地磚、霓虹燈打卡牆，一定會成為IG打卡熱點！現場仲會介紹港式餐廳專用術語添！
港灣豪庭廣場 X 懷舊冰室打卡位
日期：2020年11月7日至2021年1月3日
地址：大角咀福利街8號（毗鄰港鐵奧運站）
翔龍灣廣場
日期：2020年11月7日至2021年1月3日
地址：土瓜灣新碼頭街38號
迎海薈
日期：2020年11月7日至2021年1月3日
地址：烏溪沙烏溪沙路8號（毗鄰港鐵烏溪沙站）
今年係《反斗奇兵》25 週年大日子，聖誕期間 Mikiki 特別以『PIXAR與你聖誕友約』為主題，喺中庭設置 4 大打卡位，以及互動遊戲區，包括 5 米高「三眼仔巨型扭蛋機」及「海底奇兵健身操 」，大家唔好唔記得同巨型水晶球中嘅 Mo 仔同多莉 selfie 呀！
Mikiki 迪士尼與彼思 《反斗奇兵》25週年大派對「與你聖誕友約」
日期：2020年12月7日至2021年1月3日
地址：新蒲崗太子道東638號
風靡全球嘅粉紅豬豬 Peppa Pig 陪伴無數小朋友一同成長，每逢聽到其可愛招牌叫聲必定令大家開懷大笑，帶來無限歡樂！嚟緊聖誕節，Peppa pig 一家將會同朋友齊齊登陸荷里活廣場「Peppa Pig聖誕嘉年華」同大家舉行華麗繽紛嘅聖誕派！現場仲會設有全港首個「Peppa Pig兒童碰碰車樂園」，畀小朋友盡情暢玩！
荷里活廣場「Peppa Pig 聖誕嘉年華」
日期：2020 年 11 月18日至2021年1 月3 日
時間：中午 12 時至晚上10 時
地點：鑽石山荷里活廣場一樓明星廣場
今年 MegaBox 將聯同 Cinnamoroll（玉桂狗）為大家帶嚟華麗皇室聖誕盛會！Cinnamoroll 披上國王斗篷及戴上皇冠，以最華麗嘅造型於 30 呎高粉紫閃爍夢幻聖誕城堡前歡迎大家，現場仲有逾 18 呎高 Cinnamoroll 玻璃彩繪亭，同超多打卡位添㗎！！
Megabox Cinnamoroll 華麗皇室盛會
日期：2020年11月18日至2021年1月3日
地址：九龍灣宏照道38號企業廣場五期2座
本地漫畫「賤人新世紀」將於今個聖誕節踩入旺角 T.O.P 商場！包括高人氣角色 — 半裸麻甩佬「大麻成」，遊走商場不同位置，多個造型打卡位陪大家癲住過聖誕！各位麻甩叔叔控準備瘋狂影相啦！
大麻成『燈』陸T.O.P
日期：2020年11月27日至2021年1月31日
地址：旺角彌敦道700 號T.O.P This is Our Place
ELEMENTS圓方就以白色聖誕村莊為主題，當中設有多個打卡位，包括7米高巨型聖誕樹、22個不同主題的微型藝術小屋等，每日更會有飄雪光影匯演，充滿聖誕氣氛，超級夢幻又浪漫！
ELEMENTS圓方 白色聖誕村莊
地點：ELEMENTS 圓方金區
日期：2020年11月11日至2021年1月3日
時間：10am-10pm
台灣的超人氣 LINE 貼圖白爛貓嚟到海港城 LCX 喇！今年 LCX 變身成歐陸聖誕小鎮，設 5 大打卡位：「白爛噴泉廣埸」、「白爛魔法陣」、「貓式溜冰場」及「白爛博物館」等，四圍都可以見到白爛貓搞搞震嘅樣，真係好得意呀！同場仲有近 50 款白爛貓限定商品㗎～
LCX 白爛貓：白爛聖誕玩一鎮
日期： 2020年11月19日至2021年1月3日
地址： 尖沙咀海港城海運大廈三階LCX
22. 海港城 ：3 米聖誕熊仔
尖沙咀海港城今年部分聖誕燈飾首度移師至海運觀點，場內共設有4大打卡位，包括巨型聖誕熊仔玩具店、自訂慈善熊仔燈飾、「登機飛去芬蘭」參觀聖誕燈飾花園，係大家每年必到嘅打卡熱點嚟！
巨型幻彩聖誕熊仔玩具店
日期：2020年11月21日至2021年1月3日
時間：10am-10pm
地點：海港城海運大廈正門大樓梯入口
自訂熊仔服飾店
日期：2020年11月28日至2021年1月3日
時間：12nn-9pm
地點：海港城海運大廈3樓
聖誕燈飾花園
日期：2020年11月21日至2021年1月3日
時間：7am-12mn
K11 MUSEA 今年以多元創意文化活現 A Very MUSEA Christmas Village！一系列集創意、文化、靈感嘅精彩活動包括亞洲首個國際級大型戶外光影展示《Globoscope》，《Globoscope》由超過 170 個同步發光嘅小圓球組成，大家可穿梭其中，亦選擇可遠距離欣賞，絕對係必到打卡位嚟呀！
另外，由 12 月 17 日 - 27 日喺 K11 MUSEA 唔同樓層仲會有多間聖誕期間限定店，畀大家趁聖誕前夕發掘各式工藝品、家品及包裝精美的美食等禮物。而喺 MUSE EDITION 亦會有全港首間獨家快閃店 Royal Truck，為大家提供一系列全手工節日限定美食，當中包括威靈頓牛柳（每日限量10份），等你可以買返屋企煮嚟食。
K11 MUSEA聖誕創意文化之旅 X 《Globoscope》
日期：2020年11月27日至1月3日
地址：尖沙咀K11 MUSEA 7 樓 Bohemian Garden（顯示地圖）
開放時間：由下午 5 時 30 分至晚上 10 時，每節 20 分鐘（私人觀賞，必須預約且名額有限，先到先得，費用全免）
K11 MUSEA聖誕期間限定店
日期：12月17日至12月27日
地址：尖沙咀K11 MUSEA 6 樓
開放時間：12月17日 - 27日（逢星期一至五下午5時至9時，星期六、日及公眾假期中午12時至晚上10時）
Royal Truck
日期：12月10日 - 1月3日 (逢星期一休息）
地點: K11 MUSEA 地下MUSE EDITION
時間：中午12時至晚上8時
《貓美術館》於日本及台灣開展後，深受一眾貓奴歡迎，終於巡迴到香港。展場內將會展出61幅世界名畫，《蒙羅麗莎》、《吶喊》等名畫內的主角變身為貓主角，相當搞鬼，齊齊帶主子入場睇靚畫，陪各位奴才過聖誕。
貓美術館—CAT ART世界名畫展
日期：2020年11月至2021年1月
地點：北角匯
25. 銅鑼灣時代廣場：綠色聖誕市集
銅鑼灣時代廣場今年聖誕與大埔人氣植物店Botanic Union合作，商場聖誕裝飾以植物為主題，另外場內更會懸吊15米高的巨型聖誕吊燈，以及舉辦迷你聖誕市集和聖誕手藝工作坊，同場又設有Capsule Lab，擺放過百部扭蛋機，與大家齊齊過綠色聖誕。
時代廣場《Pop-up Capsule Lab》
日期：2020年11月21日（星期六）至2021年1月3日（星期日）
時間：10am至10pm
地點：香港銅鑼灣時代廣場5樓517-519號舖
利園區今年聯乘香港迪士尼舉行「香港迪士尼樂園15周年：奇妙聖誕慶典AT LEE GARDENS」！屆時希慎廣場、利舞臺廣場與利園二期將遍佈米奇、米妮與一眾迪士尼朋友 15 周年造型嘅 Figure 及佈置，超有聖誕氣氛！
利園區（希慎廣場、利舞臺廣場）香港迪士尼樂園15周年：奇妙聖誕慶典
日期：2020年12月上旬至2021年1月10日
地址：希慎廣場 銅鑼灣軒尼詩道500號；利園二期 銅鑼灣恩平道28號、利舞臺廣場銅鑼灣波斯富街99號
一群可愛小熊現身ac香港仔中心與大家舉行《摘星聖誕森林派對》，掛滿閃閃亮星嘅 5 米高嘅摘星聖誕樹、暖熊小屋等可愛打卡位。
《摘星聖誕森林派對》
日期：2020年11月6日至2021年1月3日
地點：ac香港仔中心露天廣場及ac4地下
青衣城於聖誕節期間舉行「聖誕馬戲『風』飄雪樂園」，商場特設 6 米高旋轉玩具城堡，城堡內嘅拍照打卡牆放置超過一百隻毛毛熊，而戶外平台更首度引入本地創作「聽風的森林」互動光樂裝置，遊樂之餘感受藝術氣息。
青衣城 「聖誕馬戲『風』玩飄雪樂園」
日期：2020年11月18日至2021年1月3日
地址：青衣城1期一樓夢幻島大堂及2期平台花園
29. MCP新都城中心：大人國的5G聖誕派對
今年聖誕，MCP CENTRAL & MCP DISCOVERY（新都城中心2期及3期）將超巨大聖誕老人帶到嚟香港，再結合 5G 及 AR 技術，締造一場最「巨」氣氛嘅「大人國的5G聖誕派對」！
大人國的5G聖誕派對
日期：即日至2021年1月3日
時間：上午10時至下午10時
(「5G聖誕巨聲錄像館」、「聖誕5G極速遊世界」開放時間為下午1時至晚上9時)
地點：MCP CENTRAL & MCP DISCOVERY L1天幕廣場
迪士尼賣座電影《魔雪奇緣》風靡不少大人細路的心，主題曲「Let It Go」更成為大眾琅琅上口的歌曲。於台北、韓國及上海等地先後舉行的《Frozen夢幻特展》，今年強勢登陸香港陪大家過聖誕，佔地約18,000呎，多個大熱角色以 1:1造型現身，粉絲們記得mark實時間。
Frozen夢幻特展香港站
展覽日期：2020 年11月17日至2021年2月28日
展覽時間：星期一至五12:30pm至8:30pm、星期六日及公眾假期 10:30am至8時30pm（每次體驗時間約90分鐘）
展覽地點：將軍澳中心G35
千色匯及 K Plus 今年就邀請咗首次喺香港設展覽嘅意大利簡約系藝術家 Eloise Morandi Nash 帶同筆下嘅 Nina And Other Little Things，聯同香港治癒心靈系插畫師大泥，共同呈獻充滿藝術感的「聖誕意味港遊」，以「意味」加入港式風格當中，營造出獨特的藝術風格。
千色匯「聖誕意味港遊」
日期：2020年11月中旬至2021年1月3日
地址：荃灣千色匯I期1樓及2樓、元朗千色匯地下大堂及2樓、K Plus
PopCorn今年化身成「聖誕老人未來空中小鎮」，帶領大家穿越未來，並遊覽聖誕老人居住嘅城鎮，號召全城共 168 位來自未來嘅聖誕老人，與全城歡慶聖誕節。場內多個裝置如熱氣球及燈塔等會同時有轉動或閃閃發亮等效果，其中更有聖誕老人於空中飛行添呀！
PopCorn「聖誕老人未來空中小鎮」
日期：2020年11月20日至2021年1月3日
地址：PopCorn一期一樓中庭 香港新界西貢區將軍澳市中心唐賢街9號
置富Malls 今年大搞 gudetama「梳乎蛋」派對，梳乎蛋將以其一貫慢活的姿態，分別出現於置富 Malls 旗下嘅三大商場，現場將擺放3.5米高梳乎蛋充氣裝置公仔，絕對你IG-able呀！
馬鞍山廣場：聖「蛋」派對部屋
日期：2020年11月14日至2021年1月6日
地址：馬鞍山西沙路608號
+WOO嘉湖：聖「蛋」滋味廚房
日期：2020年11月14日至2021年1月6日
地址：天水圍天恩路18號（顯示地圖）
置富都會：懶洋洋聖「蛋」睡房
日期：2020年11月14日至2021年1月6日
地址：紅磡灣都會道國際都會置富都會L7大堂
迪士尼彼思《超人特工隊》中嘅超能家族嘅大型裝置齊集 PopWalk 天晉滙喇，多個趣味打卡位令大小朋友穿梭動畫中經典場景，戶外露天長廊更設有全港首個《反斗奇兵》及《超人特工隊》主題剪影聖誕燈飾佈置添！
PopWalk天晉匯：「Pixar與你聖誕友約」
日期：2020年11月18日至2021年1月3日
地址：天晉滙各期商場
《反斗奇兵》系列踏入25週年！一眾角色齊集 Landmark North上水廣場並將聯乘迪士尼與彼思《玩轉腦朋友》為主題，打造6大打卡主題場景，逾 5.5 米高嘅角色主題巨型波波砌成嘅炫亮聖誕樹、「Inside Out情感隧道」，場內仲有 2.5 米高巨型波波三眼仔扭蛋機呀！
Landmark North上水廣場：「Pixar與你聖誕友約」
日期：2020年11月18日至2021年1月3日
地址： 上水龍琛路39號
今年係櫻桃小丸子動畫 30 週年，而小丸子就帶嚟一班同學仔去咗 YOHO MALL 為大家帶嚟歐陸奇想旅行，多個打卡位如「Bilibala 凱旋門」、「Hey Baby 廣場」、「30周年紀念版巨型音樂盒」及「櫻桃小丸子主題歐陸商店街」等，小丸子Fans不能錯過！另外，YOHO MALL 嘅浪漫園林之旅，無論戶外定室內都有好多潮聖熱點㗎！
元朗YOHO MALL：櫻桃小丸子3年4班奇想旅行
日期：2020年11月11日至2021年1月3日
地址： YOHO MALL I元朗朗日路9號
荃灣廣場將於即日起打造全港首個「GOOLYGOOLY FRIENDS聖誕童繪巨人國」，由韓國插畫師Kim Hyun 主筆嘅童繪插畫散播療癒正能量，打造 3 大巨型聖誕主題專區，包括20米立體童話繪本牆、5米高幻彩疊影聖誕樹及3米高聖誕造型主角吹氣裝置，猶如走入童繪世界一樣呀！
荃灣廣場：「GOOLYGOOLY FRIENDS聖誕童繪巨人國」
日期：2020年11月18日至2021年1月3日
地址：荃灣廣場L5戶外太空樂園荃灣大壩街4-30號
今年聖誕屯門市廣場聯乘角落生物推出 Sweet Christmas Studio，3 大主題打卡位包括：「可愛草莓咖啡店」、「甜蜜雪糕花園」及「幸福聖誕角落」，多隻可愛嘅角落生物企定定同你合照，沙發區仲有軟綿綿嘅大型公仔，粉絲們記得去打卡喇！
屯門市廣場：角落生物 Sweet Christmas Studio
日期：2020年11月28日至2021年1月3日
地址：屯門市廣場屯門屯順街1號
十分天燈夜市登陸荃灣D‧PARK愉景新城，打造了百米長的夜市街，場內設有14檔美食攤位，超過百多款食物，一次過可以食到不同的台式小食；另設有多個打卡位，瞬間好像去了台灣旅行，一止大家的旅遊癮。
D‧PARK愉景新城：聖誕「台灣文創嚐味之旅」
日期：2020年11月21日至2021年1月3日
地址：荃灣青山公路荃灣段398號
人氣卡通 Line Friends 今年去晒如心廣場喇，場內多個巨型打卡位，包括 7.5 米高嘅星閃音樂盒、霓虹浪漫打卡牆、星光隧道等！另外，現場更設有 3.5 米高 Mega Brown 期間限定店，當中唔少仲係全球首次發售精品嚟添呀！
如心廣場：LINE FRIENDS MEETS Nina Mall星閃冬日
日期：2020年11月24日至2021年1月10日
地址：如心廣場商場露天廣場
9 米高巨型聖誕樹登陸 The LOHAS康城！全場超過 2,000 個聖誕掛飾、近 300 份聖誕禮物盒及機動裝置，仲有 15 米長嘅金色聖誕絲帶互相輝映，360 度環繞住聖誕樹，令商場充滿聖誕氣氛！而喺室外仲有多達由 600 支夜燈形成嘅神秘浪漫星海添！
「Unveiling the Christmas Joy」
日期︰2020年11月19日至2021年1月1日
時間︰中午12時 至 晚上9時
地點：「The LOHAS康城」L3中庭
Biophilia 聖誕市集今年於大埔林村舉行，大家可以喺充滿聖誕氛圍下與植物進行交流，畀大家過一個「綠色聖誕」。
大埔林村：Biophilia聖誕市集
日期：2020年11月27-29日，12月4-6日及11-13日（逢星期五至日）
時間：12:00pm-8:00pm
地址：大埔林村林錦公路新塘Biophilia
位於大嶼山愉景灣嘅愉景廣場及愉景北商場今年就以冬日歐洲小鎮為主題，設有多個打卡位，如夢幻旋轉木馬、心鎖長廊等，富歐陸色彩，?間猶如置身外國一樣！
愉景北商場及愉景廣場：歐洲小鎮
日期：11月27日至1月3日
地址：愉景灣海澄湖畔路92-96號
東涌東薈城名店倉化身森林秘境，換上夢幻又神秘嘅布置，令大家妨如置身童話故事中。場內設有多個打卡位，包括：6 米高聖誕樹屋、巨型雪人、鹿車、巨型愛心燈等，而 7 位小精靈仲會藏身喺森林各處添！
東薈城名店倉：「聖誕親親暖暖全城」
日期：2020年11月30日至2021年1月3日
地址：東薈城名店倉二樓中庭廣場及二樓
今個聖誕，ifc 商場獻上別具特色的感官體驗「beautiful: find your Christmas sparkle」，為節日注滿歡樂及正能量，於 6 米高大型球體燈飾裝置與悠揚音樂互相輝映，上演幕幕璀璨的「Spread the Glow」燈光表演，讓各位與摯愛創造獨一無二的佳節回憶。
ifc ：「beautiful: find your Christmas sparkle」
日期：2020 年 11 月 23 日至 2021 年 1 月 1 日
地址：中環金融街8號
今年聖誕恐怕仍未能「返鄉下」啊！有見及此，荔枝角 D2 Place 為大家帶來逼真日式溫泉以及雪國階梯，先留港感受日式暖湯啦！
D2 Place：《荔湯物語》
活動日期：2020 年 11 月 28 日至 2021 年 1 月 3 日
開放時間：中午 12 時至晚上 9 時
地點：D2 Place 二期地下 The Garage 及 D2 Place 一期天台花園
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
