感激太太同甘共苦近20年　姜皓文重提童年坎坷經歷：唔會嬲或者怪任何人

今年 54 歲嘅姜皓文（黑仔）入行 34 年，由配角王做到男主角，近年更係影視雙線發展，喺 2018 年更榮獲金像獎最佳男配角，但其實黑仔嘅童年並唔係大家諗嘅咁如意。黑仔曾經喺訪問中提過，其未出世爸爸就離棄屋企，及後媽媽改嫁並誕下兒女，後來媽媽患病，繼父把弟妹送到兒童院，而姜皓文由外婆照顧。

日前黑仔就喺 TVB 節目《諸朋好友》中再重提童年往事及與太太嘅相處。黑仔嘅媽媽喺黑仔 14 歲時病逝，當時佢被送到少年宿舍，為咗賺錢過活，初中就同朋友去酒樓賣點心，又做過裝修、表演雜技。

Photo from 姜皓文/FB

Photo from 姜皓文/FB

Photo from 姜皓文/FB

又喺節目中，提到與太太殷寧識於微時，二人同甘共苦近20年，其中黑人更流下男兒淚指：「有依位太太係我一生人嘅『死好命』... 佢（太太）曾經同我講，鍾意咪做囉，唔鍾意... 只要你自己開心得㗎喇，屋企又唔係等你開飯，，聽到佢這句說話，就覺得點樣都要令她開心。」

Photo from big big channel - 大台網

Photo from 姜皓文/FB

Photo from 姜皓文/FB

而喺節目嘅最後，主持人崔建邦就問到黑仔對出世前生父就已同佢「告別」會唔會嬲怒生父時，佢就直言唔會對生父帶任何怨恨：「不會嬲或者怪責任何人，完全沒有這種思想。」

Photo from big big channel - 大台網

並指自己其實對依件事好模糊，而且事件有太多版本，曾經就有報導寫佢嚟自破碎家庭，生父點樣拋棄佢哋，但佢表示：「其實唔可以講成拋棄，整件事嘅真相我亦一頭霧水。」

Photo from big big channel - 大台網

此外，黑仔又指其他版本有依啲：「有些親戚說姓姜嘅爸爸仍在生，佢做緊生意；另外有些親戚同我妹妹說，哥哥（姜皓文）出世時，媽媽搵咗一個姓姜嘅朋友幫忙簽出世紙，所以我究竟係咪真係姓姜，我真係唔知。」

Photo from big big channel - 大台網

不過對於童年時冇父親陪伴成長一事，黑仔就指養父及唔少親友對佢都好好，至於現時會唔會希望見生父一面？佢直言：「我想沒有此需要。」

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）