《入住凶宅請敲門》12月上映　真人真事改編！龜梨和也首度出演恐怖電影

雖然萬聖節已過，但唔少人都會繼續尋覓恐怖片睇！嚟緊12月，由龜梨和也、瀨戶康史等人主演嘅日本恐怖電影《入住凶宅請敲門》就會上映，電影仲係以真人真事改編，真係相當吸引呀！

Photo from hkmovie6

《入住凶宅請敲門》改編至日本「最猛凶宅藝人」松原田螺嘅真實經歷！松原咁多年嚟曾經入住唔同嘅凶宅，並喺電視節目《北野誠的你們不要去啊！》中拍攝靈異影像，再將所見所聞變為小說《凶宅怪談》。

Photo from 《北野誠的你們不要去啊！》

電影講述一名演藝發展唔暢順嘅諧星山女魚（龜梨和也 飾）為咗令自己嘅事業有所起色，決定入住凶宅，並喺入面拍攝靈異影像畀電視台直播。

Photo from 《入住凶宅請敲門》預告

Photo from 《入住凶宅請敲門》預告

山女魚靠住有陰陽眼嘅化妝師梓（奈緒 飾）嘅幫助下，成功喺唔同凶宅發現到靈體，但係佢人氣爆升嘅同時，身邊都發生唔少怪事，身邊嘅人都開始遭遇不測。

Photo from hkmovie6

Photo from hkmovie6

不過山女魚好似無打算放棄自己嘅事業，即使面對唔同人嘅反對，佢都執意去唔同嘅凶宅拍攝，唔知最後佢會落得咩下場呢？

Photo from hkmovie6

今次係龜梨和也出道 14 年間第一次參演恐怖電影，而佢今次仲要捨棄靚樣，仲以倒樹蔥頭亮相，完美飾演諧星一角。

Photo from hkmovie6

Photo from 《入住凶宅請敲門》預告

呢部作品由經典恐怖電影大師、《午夜凶鈴》嘅導演中田秀夫執導，佢喺日本上映 2 周已經成為票房冠軍，暫時係今年最賣座嘅恐怖片。

Photo from 《入住凶宅請敲門》預告

《入住凶宅請敲門》將會喺 12 月 3 日喺香港上映，有興趣嘅朋友唔好錯過啦～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）