Apple Mac系列/M1 處理器正式登場　 規格/價錢/發售日期/重點功能一覽

繼之前Apple Watch、iPad 系列、iPhone 12嘅發布會後，香港時間今日（11/11）清晨 Apple 就再舉行第三次秋季發布會，為大家正式帶嚟 3 款全新 Mac 系列 Mac Mini、MacBook Air、以及大家十分期待嘅 13吋 MacBook Pro。同時今次推出嘅 3 款新 Mac 系列都會採用佢哋自家 ARM 架構嘅 M1 處理器。

小編就整個懶人包畀你一次過睇晒新機價錢、預訂／開賣日期、特點喇！先同大家睇吓依個自家 ARM 架構嘅 M1 處理器有幾勁！

M1 處理器

1. 最強的 CPU 每瓦效能
配備 8 核心 CPU，當中 4 核心為高效核心，主要處理需要較多運算資源嘅工作，例如：圖像、數據運算、遊戲等；另外 4 個節能核心，則主要處理一般日常工作，例如：文字、靜態網頁等，整體效能比上代快 2.8 倍。

喺相同耗電瓦數嘅情況下，比以往嘅 Intel Core i 處理器更快及更省電。

2. 最快速的整合式繪圖處理
M1 運用咗常用嘅 app 與高難度專業工作負載等， GPU具備最多達 8 個強勁核心，可同時執行近 25,000 個執行緒，無論係順暢播放多條 4K 影片，或是為複雜嘅 3D 場景進行算圖等極端繁重工作，都可以輕鬆處理。

3. 超快速的裝置端機器學習功能
M1 中嘅神經網路引擎具備 Apple 最先進嘅 16 核心架構，每秒可執行 11 兆次運算，令機器學習效能提升最快可達 15 倍。

4. 影像訊號處理器（ISP）
可透過更出色的雜點消除功能、更優異嘅動態範圍以及更佳的自動白平衡，進一步提升影片畫質。

Mac Mini、MacBook Air、13吋 MacBook Pro
介紹完 M1 處理器當然要睇埋有咩新機登場喇！今次嘅將會推出 3 款採用咗 M1 處理器嘅 Mac 系列嘅 Mac Mini、MacBook Air 以及 13吋 MacBook Pro，依個時候大家一定有問咁 iMac 同 16 吋 MacBook Pro 呢？ Apple 表示佢哋將會展開為期兩年嘅 Mac 轉換計畫，為 Mac 系列組成有史以來實力最強大嘅陣容。

唔講咁多，睇吓 3 款新有咩特點先～

1. 內建全新 M1 處理器
全新 Mac 系列以會採用全新「芯」臟： M1 處理器。處理器將以往安裝喺底板唔同部分嘅中央處理器、DDR4 記憶體、Thunderbolt 控制器、神經網絡引擎、Apple T2 保安晶片及 I/O 晶片整個成一枚整合式處理器（SoC），又稱 Unified memory architecture（統一記憶體架構）。

正正因為處理器有高頻寬、低時延等優點，令 Mac 比以往 Intel 處理器更省電。

2. 操控體驗更暢順
用家無論喺操控系統介面、使用程式或進行多工作業都會比以往加流暢，操控反應提升 1.9 倍，用家就算喺執相做圖嘅同時剪輯 4K 或更高解像度影片都唔會延時嘅情況。

3. 新舊 APPS 無縫接軌
每次新架構電腦處理器推出時，對用家同軟件工程師嚟講，最煩嘅就新舊軟件未必可以喺新平台同時使用，但今次大家絕對可以放心，因為 Apple 為針對此問題方面，特別加入 Rosetta 2，令用家喺 M1 處理器嘅 MBP 上，都可以暢順使用舊嘅 APPS 或遊戲。

4. 可運作 iPhone / iPad APPS
M1 喺設計上同 A 系列處理器差唔多，因此喺 MBP 上，用家除咗可以使用 macOS 電腦軟件外，仲可以使用本身只能喺 iPhone 或 iPad 上使用嘅 APPS，令大家喺軟件方面有更多選擇。

5. 使用時間大幅提升
全新嘅 MBP，可提供最長 17 小時嘅網頁瀏覽時間或 20 小時嘅影片播放時間，相比以往足足多咗 10 小時以上。咁以後拎部機出街做嘢就更方便喇！

6. 顏色、重量
顏色同上代 完全一樣：

7. 記憶體

8. 儲存裝置

9. 售價

全新嘅 MBP 即日起已正式接受預訂，並於 11 月 17 日出貨～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）