麥美恩《使徒行者3》演技獲讚！罕有演劇 演搞繹笑/催淚情節無難度

麥美恩（Mayanne）喺《使徒行者3》與林峯合作演卧底，雖只有兩集戲份，但無論搞笑、催淚情節都難唔到佢，第二集佢臨死前演技更令觀眾非常投入，罕有拍劇嘅Mayanne演技獲激讚！

麥美恩Mayanne入行以嚟「傻大姐」形象深入民心，主力做主持、出演綜藝節目。近日罕有拍劇，喺《使徒行者3》同林峯合作，飾演師徒。

其實Mayanne僅兩集戲份，但就令觀眾留下深刻印象，佢第一集同農夫齊齊大放笑彈。

飾演卧底嘅Mayanne為解救被騙嘅少女，不惜以豹紋蕾絲裙性感造型出場，更淋埋冰水，與飾演嫖客嘅農夫有對手戲。

可左右滑動看圖：

成段都輕鬆搞笑，對於農夫同Mayanne嚟講絕對係得心應手，即睇精華片段：

到第二集，Mayanne飾演嘅朱倩被揭穿卧底身份，最後慘死。臨死前一幕非常催淚，佢完全演繹出嗰種無助同掙扎。

可左右滑動看圖：

Mayanne亦有分享自己演戲嘅感受，表示有問過林峯喊戲點拍，又指自己「睇一次喊一次」。

View this post on Instagram

Sigh... why...? 讓我消失以後 誰會唸著我 拍呢場之前我諗咗好多嘢 我問過峯哥 喊戲點拍 佢話拍嘅時候你個心會有一首歌 當時我追緊Game of Thrones 我心響起 The Night King 手術室現場 好靜好冷 陰陰沉沉嘅燈光 果種孤獨嘅感覺 連朱倩都知 點嗌都冇用 （我喊了...） 到爆seed衝去想救朱倩 峯哥演技爆發 再加埋首...無人會問我 ? ... （唉...又喊了...） #睇一次我喊一次 #讓我消失以後你會唸著我 #使徒行者3 #linewalker #朱倩 #多謝大家 #喊出嚟會舒服啲

A post shared by ᗰᗩYᗩᑎᑎE (@mayannem) on Nov 10, 2020 at 6:22am PST

雖然Mayanne只出演咗兩集，但兩集係完全唔同嘅心態，而佢無論係搞笑戲份，定催淚情節都駕馭得好好，有好多網友大讚佢演技出色！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）