韓國首位AI人工智能主播登場！可24小時工作 與真人相似度極高難分真假！

時代變化、科技日新月異。近年AI人工智能技術越嚟越普及，就連女團成員都有AI角色。韓國電視台更推出首位AI人工智能女主播，引起熱議。因為AI主播同真人幾乎無分別，只從外表睇根本分辨唔出。

韓國娛樂公司SM推出嘅新女團「aespa」，當中4位成員都各有一個AI人工智能角色，但AI同真人仍然有好大嘅差異。

Photo from aespa_official@Twitter

韓國收費電視台MBN亦有一位AI人工智能主播，引起大眾熱議。雖然同為AI，但呢個AI主播明顯比女團aespa嘅AI偶像更令人震驚。

Photo from MBN

AI主播係以電視台新聞女主播金柱夏（김주하）為原型，同樣取名為「金柱夏（김주하）」，AI金柱夏報導新聞過後，即引發討論，因為AI同真人金柱夏太過相似，甚至可以話係一模一樣！

Photo from MBN

兩者只睇外貌根本分辨唔出邊個係真人，邊個係AI。朗讀新聞稿方面，AI雖然感情仍有不足，但發音、語氣都同真人差唔多。

AI主播金柱夏（김주하）：

Photo from MBN

真人主播金柱夏（김주하）：

Photo from MBN

AI金柱夏係整合咗真人金柱夏嘅外貌、動作同聲音後誕生，最快可以喺1分鐘內快速生成1千個字報道。

Photo from MBN

AI主播由MBN同人工智能開發公司共同研發，可以24小時唔休息，無間斷工作。希望發生災難時，AI主播快可以快速報導突發新聞，而且AI主播仲可以節省人力、時間同成本製作新節目。

Photo from MBN

對於AI主播，真人金柱夏表示擔心AI技術有一日會威脅到佢嘅地位：「我會盡力傳達AI暫時無法畀到人嘅溫暖感覺。」

AI金柱夏報導新聞片段：

資料來源：매일경제

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

韓國美女YouTuber竟然係AI合成！外貌由統計數據中最受歡迎嘅五官組合而成

16 Mar 2021

韓國網紅YouTuber 루이（Rui）自爆自己外貌其實係由AI深度學習技術（Deepfake）創造出嚟！除咗YouTube影片外，Instagram嘅相片亦係以AI合成！

Photo from RuiCovery

韓國一名22歲美女YouTuber Rui接受時承認自己頻道中所有露樣嘅影片都係透過Deepfake技術合成出嚟，並唔係佢本人嘅真實面貌！

Photo from RuiCovery

佢坦承一開始其實係想出道做歌手，但韓國普遍都好重視外表，而佢自己對外貌感到自卑，於是接受Dob Stusio合作嘅提議，決定用AI方式出現喺人前。

Photo from ruuui_li

Photo from ruuui_li

依家喺YouTube出現嘅Rui只有頭髮、頸部以下身體、聲音係屬於真人，面部則係由統計數據整理出最受歡迎、易令人產生好感嘅外貌，再透過AI合成到Rui嘅臉上。

Photo from RuiCovery

除咗YouTube嘅影片外，Rui嘅IG靜態照亦都係AI合成。

Photo from ruuui_li

Photo from ruuui_li

韓國之前都有「AI主播」，真人同AI相似度極高！令人驚歎AI技術發展迅速。

AI YouTuber Rui自我介紹片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）