宋慧喬「離婚後又分手」　有望出演新劇《現在分手中》

宋慧喬自從拍完韓劇《男朋友》後就冇再接拍其他作品，不過早前就傳出宋慧喬有望出演新劇《現在分手中》，如果真係順利，呢部將會係佢離婚後首部作品。

宋慧喬對上一部劇係 2018 年同朴寶劍主演嘅韓劇《男朋友》，之後就喺上年同宋仲基宣布離婚，其後宋慧喬冇再接拍任何作品。

Photo from tvN

Photo from Pinterest

最近傳出宋慧喬有望出演新劇《現在分手中》，劇集講嘅係有關愛情嘅甜酸苦辣，以及面對離別時嘅心境故事。目前宋慧喬考慮嘅角色係一個服裝公司設計部組長嘅角色，係一個成熟、有魅力、獨立自主嘅女性。呢個角色係一個冷靜嘅現實主義者，非常聰明，對流行趨勢非常敏感，而且非常重視自我管理。其實就咁聽都覺得同宋慧喬嘅感覺幾適合～

Photo from kyo1122@IG

Photo from kyo1122@IG

但原來宋慧喬已經係第二次收到呢個劇本，第一次收到嘅時候原本拒絕咗，後來劇本到咗秀愛、劉台午手上，但兩人因為行程問題而辭演。

Photo from Studio Santa Claus Entertainment

Photo from teoyoo@IG

最後劇本又再次落到宋慧喬手上，對此，宋慧喬所屬經紀公司表示目前只係考慮中，未確定出演。

如果宋慧喬真係決定出演，呢套劇將會係佢離婚後首部作品，而佢上一部作品叫《男朋友》，自己又啱啱離婚，新劇又叫《現在分手中》，會否有點應景？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）