日本藝術家大村雪乃展覽登陸旺角！用圓點貼紙貼出香港夜景/日本必去景點！

日本藝術家大村雪乃首個香港個人展覽將於聖誕期間登陸旺角！用圓點貼紙貼出日本著名地標同埋香港夜景。必打卡嘅有一幅全新旺角夜景，用超過17,000個圓形貼紙創作，係2米x1.6米嘅大型作品。

日本藝術家大村雪乃用唔同大小、顏色嘅圓形貼紙進行創作，貼出繁華嘅日本景色，當中包括唔同嘅旅遊熱點：晴空塔、大阪心齋橋等。

今次佢首個香港個人展覽即將喺聖誕期間登陸旺角朗豪坊！色彩繽紛嘅貼紙展現咗熱鬧城市中晚上高樓大廈同街道亮起嘅點點燈光。

佢嘅多幅作品，包括東京新宿歌舞伎町、大阪心齋橋、道頓崛招牌地標等，都會放大展出，畀大家影相打卡！

作品會喺商場4樓至12樓嘅扶手電梯間展示，大家未去到旅行都可以睇圖重溫一下～

除咗日本旅遊必去景點外，仲會展出大村雪乃過往以香港太平山夜景同彌敦道霓虹招牌為主題嘅作品。

另外一幅全新創作嘅2米x1.6米大型作品絕對係打卡必到！用咗超過17,000個圓形貼紙製作，以旺角的繁華夜景為題，超震撼！

朗豪坊「點」亮聖誕 Christmas Stickation聖誕

日期：2020年12月3日～2021年1月3日
時間：11:00～23:00
地點：朗豪坊4樓、4至12樓扶手電梯

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）