日本男生票選「最想擁有男星臉孔」冠軍明年 50 歲　佐藤健/玉木宏都唔夠佢嚟！

有冇諗過如果有一日有機會變成一個日本男星，你又會想會變成邊個呢？近日日本媒體「ORICON NEWS」就公布咗由 500 名當地男生票選出嘅「10大最想擁有男星臉孔」排行榜，當中除咗早前爆紅嘅日劇《戀愛可以持續到天長地久》男主角佐藤健同一啲新世代小鮮肉之外，仲有唔少成熟型男都成為上榜，而第1位更喺嚟緊 1 月就年滿 50 歲喇！一齊嚟睇吓邊位男星咁有魅力！

喺正式睇 10 大之前，畀大家先睇吓喺日本唔同年齡層中「最想擁有男星臉孔」嘅頭 5 位喇！

Photo from oricon.co.jp

10歲以上：

Photo from oricon.co.jp

20歲以上：

Photo from oricon.co.jp

30歲以上：

Photo from oricon.co.jp

40歲以上：

Photo from oricon.co.jp

50歲以上：

Photo from oricon.co.jp

睇完各年齡層嘅 5 強，就到綜合所有票數嘅最終 10 強名單喇！

第 10 位  岡田將生（31歲）
日本男生認為岡田將生嘅五官立體合符黃金比例，睇起嚟感覺整潔帥氣。

第 9 位　福士蒼汰（27歲）
佢哋指福士蒼汰嘅外表冷酷帶有知性感，而佢笑起嚟爽朗嘅笑容畀人有治癒嘅感覺。

第 8 位　小栗旬（37歲）
小栗旬由年少時畀人感覺可愛，但隨住年齡嘅增長愈發有男性魅力。

第 7 位　吉澤亮（26歲）
吉澤亮喺今次排行榜中，係年紀最細嘅一位，投票者認為佢可愛、帥氣兼備，十足王子咁會自動散發出個人魅力。

第 6 位　西島秀俊（49歲）
網民認為西島秀俊隨住年齡嘅增長愈發有男性魅力。

第 5 位　妻夫木聰（39歲）
網民指妻夫木聰畀人一樣溫柔嘅感覺，外表爽朗無論男女都會輕易對佢產生好感。

第 4 位　藤岡靛（40歲）
藤岡靛畀人一樣既神秘又冷酷嘅氣場，但佢笑嘅時候又好溫柔。

第 3 位　玉木宏（40歲）
與「千秋王子」以個角色完美掛勾嘅玉木宏已經由 2017 年起連續3年上榜。

第 2 位　佐藤健（31歲）
早前憑住日劇《戀愛可以持續到天長地久》天堂醫生一角再奠定男神地位嘅男星佐藤健，除咗散發出高貴知性魅力，再加上可愛帥氣，偶爾又會有冷酷一面，絕對係唔少女生心中嘅完美男友。

Photo from pinterest

第 1 位　竹野內豐（49歲）
30歲以上嘅男網民大部分嘅票都係投畀竹野內豐！網民覺得竹野內豐唔止備有男子氣概，喺留鬍子後更帶有一樣狂野嘅氣息，同時亦有成熟男子嘅慵懶。

Photo from pinterest

唔知大家又點睇呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）