「入五」前衝破自己！美魔女江美儀晒零贅肉纖腰　密密操練挑戰人生

49 歲藝人江美儀近年除咗行山，每星期保持一定運動量外，佢仲加入咗周潤發嘅「跑山團」，同發哥、方中信、鮑起靜兩夫婦等人一齊跑山。而早前佢更喺 YouTube 開設個人頻道，喺上面教大家煮素菜。日前佢就喺其 IG 上傳身穿 sport bra 嘅運動 Look 指佢決定要喺「入五」做一件事衝破自己，叫大家為佢加油打氣！

藝人江美儀明年就踏入 50 歲，平時得閒佢都會入廚教吓人煮番幾味，加上佢每個月有一半嘅日子都會菇素，而且又成日做運動，保養得宜，難怪喺圈中有美魔女之稱！

Photo from 江美儀 IG

Photo from 江美儀 IG

近日佢就喺 IG 上傳自己身穿運動 sport bra 大晒零贅肉小蠻腰，並宣布佢準備喺「入五」前決定要做一件大事，又提醒網友要去佢 YouTube channel 度睇添！

Photo from 江美儀 IG

佢喺 YouTube 中就表示自己準備挑戰參加半馬，原本打算今年 5 月飛到日本參加跑 5 公里賽，但因疫情關係，無奈要取消：「我平時都跑到12至14公里，咁都係多少少，咁唔得咪慢慢跑囉，我又想衝破自己，對我嚟講，我由細到大都冇諗過自己會跑步，亦都冇諗過會堅持呢個運動可以咁耐，所以今次參加，咁我就同自己講，我50歲之前，不如試吓做呢件事，睇吓可唔可以跑到？」

Photo from 江美儀 IG

而江美儀真係講得出做得到，為參加比賽，喺片中可見佢密密練跑兼做體能訓練，睇佢真係下咗好大決心㗎！

在 Instagram 查看這則貼文

江美儀 Elena Kong May Yee（@elenakongmayyee）分享的貼文

唔少網友都有留言指佢一定可以完成比賽，仲話佢真係太勁喇！

加油呀！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）