ViuTV《男排女將》首播清一色好評獲讚青春熱血！Stephy演出貼地演技大躍進

ViuTV《男排女將》首播，由Stephy鄧麗欣、顧定軒、陳卓賢主演，播出一集後大獲好評，觀眾表示劇情好青春熱血，而Stephy飾演嘅保險員蔣家瑜，個性麻甩貼地，亦獲讚演技大躍進。

ViuTV呢排嘅電視劇都幾受歡迎，啱啱播完嘅《暖男爸爸》口碑唔錯，接檔嘅《男排女將》播出一集後亦大獲好評！

Photo from ViuTV

《男排女將》由Stephy鄧麗欣、顧定軒、陳卓賢主演，係ViuTV繼《地產仔》、《熟女強人》、《暖男爸爸》後，第4套「原創劇」。劇情講述一班熱愛排球嘅年輕人因為身高唔夠而被排球隊摒棄，遇上前香港女子排球代表隊成員蔣家瑜（鄧麗欣飾），並擔任佢哋嘅教練，一齊喺聯賽中創造傳奇。

Photo from ViuTV

Photo from ViuTV

Stephy喺劇中飾演保險員蔣家瑜，本身係前香港女子排球代表隊成員，但排球夢碎，轉行sale保險，之後喺排球場見到一班熱愛排球嘅年輕人因為身高唔夠而被踢走，回憶起自己當年退出港隊。

Photo from ViuTV

第一集家瑜喺排球場見到一班有夢想嘅年輕人被嫌矮，憤而向教練麥樂雞掟紙一幕，非常熱血！

Photo from ViuTV

可左右滑動看圖：

Stephy飾演嘅蔣家瑜個性麻甩又貼地，本身Stephy由中學一年級開始打排球，更曾經入選香港青年代表隊，有「排球底」，今次擔正做第一女主角，孭起成套劇，佢嘅演出亦獲讚夠放又自然。

Photo from ViuTV

Photo from ViuTV

唔少觀眾睇完第一集都話成集節奏明快，角色性格鮮明，仲話劇情夠晒青春熱血，好好睇！留言都係清一色好評！

Photo from ViuTV

Photo from ViuTV

Photo from ViuTV

家瑜霸氣拉隊走片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）