韓國大熱搞笑動畫靚仔作家樣貌曝光！網民：被背叛了

近年韓國嘅網絡漫畫人氣非常高，伴隨住作品嘅高人氣，漫畫背後嘅作家都開始受到大眾注目，粉絲開始好奇作家真身。繼《女神降臨》嘅美女作家「야옹이」（Yaongyi）之後，最近韓國搞笑動畫頻道「JJAL TOON」作家真身曝光後都引起網民熱議。

韓國人氣漫畫《女神降臨》嘅作家「야옹이」（Yaongyi）係一個大美女，真身曝光後網民甚至表示作家根本就係畫緊自己！

Photo from meow91__@IG

Photo from Webtoon

繼「야옹이」之後，韓國搞笑動畫頻道「JJAL TOON」（짤툰）作家真身都曝光！「JJAL TOON」憑住唔靚嘅畫風同搞笑嘅配音而大熱，而且 YouTube channel 仲有 125 萬粉絲！

Photo from 짤툰@YouTube

Photo from 짤툰@YouTube

「JJAL TOON」非常受歡迎，題材貼近時事同日常生活，加上畫風醜，仲配埋好搞笑嘅聲音同台詞，喺煩悶嘅時候睇吓真係會引到你笑，相信大家係 Facebook 都一定有睇過。動畫嘅配音係作家親自出手，唔少網民都覺得作家把聲實在太搞笑～

Photo from 짤툰@YouTube

Photo from 짤툰@YouTube

早前「JJAL TOON」作家嘅真身曝光，網民一睇大呼被背叛！因為作家真身竟然係一個靚仔 OPPA！作家本名劉秀珉（音譯）（유수민），今年 30 歲，皮膚白皙，體型健碩，絕對係韓劇中典型嘅暖男 OPPA！

Photo from jjaltoon@IG

Photo from jjaltoon@IG

作家喺 IG post 相之後都會引來一班粉絲留言大讚作家好靚仔，甚至有網民覺得好難將作家個樣同把聲聯想埋一齊，亦有網民搞笑咁話作家個樣背叛咗我哋。

Photo from jjaltoon@IG

Photo from jjaltoon@IG

作家又真係幾靚仔喔～小編都同意好難將佢個樣同把聲聯想埋一齊！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）