賴冠霖街上吸煙隨地吐痰　乖乖仔形象崩壞　網民：去掃街吧

韓國前男團 Wanna One 出身嘅台灣成員賴冠霖返內地發展非常成功，乖乖仔形象入屋，不過近日就傳出佢喺街上吸煙，隨地吐痰嘅相，消息一出，引起熱議。

賴冠霖透過韓國選秀節目《Produce 101》第二季成功加入「Wanna One」出道，係團隊入面唯一一位台灣成員。團隊解散後賴冠霖返回內地發展，靠住俊秀嘅臉孔，陽光正面嘅形象深得粉絲歡心。

Photo from wannaone.official@IG

Photo from 賴冠霖微博

Photo from 賴冠霖微博

不過近日網絡上瘋傳賴冠霖喺街上吸煙，隨地吐痰嘅照片，年僅 19 歲嘅佢喺街上「吞雲吐霧」，同平時乖乖仔形象好大分別，而且仲隨地吐痰，實在係有違公眾衛生。

Photo from 微博

Photo from 微博

Photo from 賴冠霖微博

照片喺網絡上被瘋傳，一眾網民立即去賴冠霖嘅微博度留言指責：「去掃街吧你」、「自己好好反省一下自己到底在幹嘛」、「吐痰真的不文明」等。

Photo from 賴冠霖微博

Photo from 賴冠霖微博

Photo from 賴冠霖微博

其後賴冠霖就事件作出道歉：「很抱歉，我作為公眾人物沒能約束自己的行為，做了錯誤的示範。我會接受大家對我的批評，並引以為戒，絕不再犯。」

Photo from 賴冠霖微博

之後更上傳咗一張手寫嘅道歉聲明，希望大眾原諒佢。

Photo from 賴冠霖微博

雖然有部分粉絲覺得佢知錯能改就好，但係亦都有部分網民覺得佢需要清醒下，叫佢「去報個掃垃圾的吧」、「社區服務體驗一下？」

吸煙吐痰呢件事一傳出立即登上微博熱搜，相信對賴冠霖嘅形象會有一定影響。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）