【愛情韓劇】5 套超甜霸道總裁韓劇推介　睇朴敘俊、李鍾碩霸道撩妹

By Ella on 27 Nov 2020

Digital Content Writer

韓劇除咗婚外情、絕症呢啲狗血題材之外，其實「霸道總裁」題材都係不敗的！今次精選 5 套霸道總裁韓劇，等大家睇吓韓國歐巴點樣撩妹！

《金秘書為何那樣》
《金秘書為何那樣》由朴敘俊、朴敏英主演，改編自同名人氣漫畫。講述富二代「李英俊」（朴敘俊飾）同萬能秘書「金微笑」（朴敏英飾）之間嘅搞笑愛情故事。「李英俊」係一個超級自戀嘅集團副會長，自戀得嚟又十分無厘頭，為咗唔畀「金微笑」辭職，頻頻出招追求「金秘書」！

Photo from tvN

另外，兩人喺劇中嘅親熱戲一播出，討論度非常高，睇到觀眾好害羞～

Photo from 《金秘書為何那樣》

《秘密花園》
《秘密花園》由玄彬、河智苑主演，劇集紅極一時。講述百貨公司社長「金祖沅」（玄彬飾）擁有完美嘅外貌同家世，非常傲慢，因為一次嘅意外同特技替身演員「吉羅琳」（河智苑飾）靈魂交換，後來「金祖沅」不停瘋狂追求「吉羅琳」，而「吉羅琳」都慢慢愛上佢。

Photo from SBS

《秘密花園》有好多名場面，除咗「泡沫接吻」之外，「仰臥起坐」都係經典場面！

Photo from 《秘密花園》

《焦急的羅曼史》
《焦急的羅曼史》由成勛、宋枝恩主演。故事講述集團本部長「車鎮旭」（成勛飾）同營養師「李宥美」（宋枝恩飾）喺度假勝地相遇後發生一夜情，第二日「李宥美」慌忙逃走，「車鎮旭」對「李宥美」一直念念不忘。三年後兩人再度相遇，「車鎮旭」對「李宥美」展開熱烈追求。

Photo from OCN

成套劇充滿粉紅泡泡，成勛壁咚宋枝恩、公主抱，真係令人睇到臉紅心跳！

Photo from 《焦急的羅曼史》

《W - 兩個世界》
《W - 兩個世界》由李鍾碩、韓孝珠主演，當時人氣極高。講述醫生「吳妍珠」（韓孝珠飾）意外進入父親所畫嘅人氣漫畫《W》嘅世界中，同漫畫主人公「姜哲」（李鍾碩飾）相遇，展開一段懸疑愛情故事。「姜哲」係年輕嘅財閥，外貌俊秀，係一個完美嘅男人，對好似由另一個世界嚟嘅「吳妍珠」充滿好奇，為咗保護「吳妍珠」，仲同佢結婚。