港九新界離島 5 個日落打卡必到好去處　純樸漁村、鬧市夕陽

香港有好多睇日落嘅好去處，今次為大家精選 5 個港九新界離島欣賞夕陽西下嘅地方，等大家放假可以同朋友一齊去同鹹蛋黃打卡！

添馬公園

一講到睇日落，可能大家都會第一時間諗到要攀山涉水，去啲偏僻嘅地方，但其實港島鬧市中都可以欣賞到夕陽。添馬公園就係欣賞日落嘅好地方，仲可以望到IFC國際金融中心同ICC環球貿易廣場，而日落就正正喺摩天輪旁邊，畫面真係好靚～

在 Instagram 查看這則貼文

80後環遊鄉港??（@hunter.852）分享的貼文

在 Instagram 查看這則貼文

Raymond Ling（@_raymond_ling）分享的貼文

添馬公園
交通方法：港鐵金鐘站 A 出口，向政府總部方向前往。

鯉魚門三家村

唔少人都會去鯉魚門食海鮮，但其實鯉魚門三家村係欣賞日落嘅秘境，可以欣賞日落之餘仲可以一睹鯉魚門嘅魚塘美景，之後再食返餐海鮮，行程非常充實～

在 Instagram 查看這則貼文

LCSPHOTO.HK（@lcsphoto.hk）分享的貼文

在 Instagram 查看這則貼文

Kn Cheng（@knchengphotography）分享的貼文

在 Instagram 查看這則貼文

Ryan Wu（@ryan_wu_）分享的貼文

鯉魚門三家村
交通方法：港鐵油塘站 A2 出口經茶果嶺道步行至鯉魚門三家村。

馬鞍山渡頭灣村

渡頭灣村係馬鞍山唯一嘅漁村，仲有少數原居民居住，好多人都鍾意去呢到燒烤。其實渡頭灣村都係睇日落嘅好去處，可以一邊吹住海風，一邊欣賞夕陽，仲可以感受吓呢條純樸嘅漁村，別有一番風味～

在 Instagram 查看這則貼文

Sunny Tam（@whatisyourgame3）分享的貼文

在 Instagram 查看這則貼文

@1001wk 分享的貼文

馬鞍山渡頭灣村
交通方法：港鐵烏溪沙站 A1 出口，前往烏溪沙路後於迴旋處行小路前往渡頭灣村。

青欣山

青欣山可以飽覽青馬大橋全景，而日落咁啱就係落喺青馬大橋背面，整個畫面非常唯美～日落之後青馬大橋同對岸高樓都會著燈，可以順便欣賞埋燈火景色～

在 Instagram 查看這則貼文

Keith Chau（@chau_keith）分享的貼文

在 Instagram 查看這則貼文

Susie So??（@susie1314）分享的貼文

青欣山
交通方法：港鐵青衣站沿青衣西路步行，或乘搭 248M 到長宏村，之後步行至青衣自然教育徑，然後上山到 2 號觀景台。

機場維修區

機場維修區都係睇日落嘅勝地，喺維修區仲可以欣賞到一望無際嘅海景，視野廣闊，夕陽晚霞美景一覽無遺。

在 Instagram 查看這則貼文

KaLok Ng（@kalok_ng）分享的貼文

在 Instagram 查看這則貼文

KM Wong（@kmwong90s）分享的貼文

機場維修區
交通方法：於逸東邨或東涌市中心乘搭 S52 巴士至總站。

嚟緊個假期就可以去欣賞夕陽晚霞啦～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）