TVB將舉辦《衝上雲霄大選》！機師/空姐選秀做演員 麥明詩緋聞男友參選！

無綫電視（TVB）將舉辦《衝上雲霄大選》，誠徵空姐、空少、飛機師參選，轉型做演員，為解小生、花旦荒。其中曾出演《後生仔傾下偈》，同麥明詩傳出緋聞嘅機師Keith都有參選，更成功入圍。

疫情下，航空業大受打擊，國泰航空更大裁員。有見及此，大台將舉辦航空業選秀節目《衝上雲霄大選》！

Photo from 《衝上雲霄2》

近嚟ViuTV嘅《全民造星3》熱播，大台更推四線劇集作應對，未知係咪眼見選秀節目大熱，所以想推出類似節目吸引觀眾？

加上大台近年出現小生、花旦荒，為解決呢個問題，決定選出條件唔錯嘅空姐、空少、機師，幫佢哋轉型做演員。

Photo from 《衝上雲霄》

其實唔少大台藝人都係空姐出身，好似黃智雯、劉佩玥咁，參選港姐前都有做過空姐。

Photo from 《衝上雲霄2》

有指《衝上雲霄大選》已展開秘密面試，比賽不限年齡、婚姻狀況，只要識講廣東話、有個性、有外形即可，吸引過百人參加，入圍後更可獲$5,000現金津貼。

Photo from 《衝上雲霄》

曾經上過《後生仔傾下偈》嘅飛機師Keith都有參選，更成功入圍。Keith今年30歲，同過港姐冠軍麥明詩傳緋聞，不過麥明詩事後已喺IG否認：「不用恭喜，只是朋友，謝謝關心」

Photo from 《後生仔傾下偈》

Photo from 麥明詩IG

Photo from 麥明詩IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）