劉在錫變「漫撕男」？《女神降臨》美女作家真身作客《劉 QUIZ ON THE BLOCK》

By Ella on 02 Dec 2020

Digital Content Writer

韓國漫畫《女神降臨》大獲好評，除咗故事吸引之外，作家真身被曝光之後更加引起網民熱議，因為作家竟然係一位大美女！早前呢位美女作家「야옹이」（Yaongyi）更作客劉在錫、曹世鎬節目《劉 QUIZ ON THE BLOCK》！

《女神降臨》講述女主角「任朱靜」靠超強化妝術將自己由醜小鴨變天鵝，後來仲同兩位靚仔同學「李修豪」、「韓書竣」擦出火花，係一個青春愛情故事。而漫畫將翻拍成電視劇，由車銀優、文佳煐及黃仁燁主演，喺 12 月 9 日將會迎來首播！

Photo from tvN

隨住漫畫爆紅，漫畫作家真身都令網民非常好奇，當作家樣貌曝光後旋即引起熱議。《女神降臨》作家「야옹이」（Yaongyi）1991 年出生，皮膚白皙，身材高挑，玲瓏浮凸，樣貌精緻，係一個大美女，同自己筆下《女神降臨》嘅女主角「任朱靜」簡直一模一樣，更有網民話作家根本就係畫緊自己。

Photo from meow91__@IG

Photo from Webtoon

早前 Yaongyi 真身作客劉在錫同曹世鎬嘅節目《劉 QUIZ ON THE BLOCK》，仲親手畫咗兩位主持人嘅畫像，唔知喺作家細膩、充滿少女風嘅畫風下，劉在錫同曹世鎬會變成點呢？畫作公開後旋即引起爆笑，因為喺作家筆下，劉在錫同曹世鎬都變咗「漫撕男」！不得不說，佢哋兩個真係好似純情漫畫入面嘅男主角，簡直後生咗 10 年，好靚仔！