黃偉文31年前濃密黑髮舊照曝光！網友：好耐未見過你咁多頭髮

填詞人黃偉文（Wyman）今年51歲，多年嚟有唔少經典作品，光頭係佢嘅標誌，而佢嘅打扮亦非常有特色，獲封「潮流教父」。近日佢喺IG公開31年前舊照，20歲嘅Wyman頭髮濃密，連網民都大讚：「好耐未見過你咁多頭髮」

今年51歲嘅填詞人黃偉文（Wyman）為香港樂壇出咗唔少力，更7度獲得叱咤樂壇填詞人大獎。

Photo from 黃偉文IG

除咗填詞，Wyman嘅時尚打扮都非常有名，佢喺2012年舉行一連六場「Concert YY 黃偉文作品展」作品音樂會，佢有多套登台服飾，更獲封為「潮流教父」。

Photo from 黃偉文IG

Photo from 黃偉文IG

佢近日為容祖兒嘅《東京人壽》填詞，更分享幕後故事：「（《東京人壽》）最初還有另一個歌名，但我最後沒有選用，叫《最後3000円》，就是寫這個年代的自己，每趟旅行的最後一天，都在計算：還有多少盤川可以花（才不會流落異郷）？步步驚心，蚊蚊計較，『如何玩到最貼近底綫而不越界』基本上就是青春了吧？不，我現在還是這樣。一定有人會話：點解係3000円唔係1000円甚至100円？証明我個人還是有點分吋/冇膽/怕死/悲觀底的，唔敢使到淨得1000円咁牙烟。又一定有人會話：『最後3000円』呢個歌名好啲喎，點解你唔⋯⋯其實等於你問我點解我個仔唔叫『黃志明/黃秉輝/黃國堅』叫『黃巴士』？我個仔，你可以唔錫佢，但我鍾意叫佢做乜就乜。吓吓要提心吊膽驚會唔會有人唔鍾意㗎一定咩都整唔到出嚟。藝術創作其實真係唔係服務業。明者明。 #東京人壽」

Photo from 黃偉文IG

Wyman仲公開咗一張舊照：「這張照片是1989年七月或者八月，我人生第一次去東京的第一天，在新宿駅地下街拍的。」

Photo from 黃偉文IG

可左右滑動看Wyman舊照：

相中20歲嘅Wyman仲有一頭濃密黑髮，有網民表示：「好耐未見過你咁多頭髮」、「你以前都幾嗒得杯落」、「好青春好瘦好多頭髮好靚仔」，更有網友指：「第一眼睇以為鄭伊健」

Photo from 黃偉文IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）