內地網瘋傳《追光吧！哥哥》藝人禁忌清單　汪東城禁談炎亞綸、台灣

早前內地網絡上瘋傳關於節目《追光吧！哥哥》男藝人嘅「禁忌清單」，當中有唔少藝人嘅禁忌都幾多，而最引人關注嘅就係汪東城嘅禁忌，因為竟然同前隊友炎亞綸有關。

Photo from 《追光吧！哥哥》微博

內地節目《追光吧！哥哥》係一個混齡男團競演真人秀節目，邀請咗眾多已出道嘅男藝人參加，當中包括汪東城、陳曉東、明道及胡夏等，男藝人會接受訓練，最後由全民投票選出成員組成男團。

Photo from 《追光吧！哥哥》微博

Photo from 《追光吧！哥哥》微博

Photo from 《追光吧！哥哥》微博

最近內地網絡上瘋傳關於參加節目嘅男藝人嘅「禁忌清單」，清單清楚列出每個藝人有啲咩唔可以提，非常詳細。好似明道就唔可以提及做爸爸嘅事、陳曉東就唔可以提及八卦等，不過都有藝人冇任何禁忌。

Photo from 微博

清單當中最引人關注嘅相信就係汪東城嘅「禁忌」，清單清楚寫明禁止提及台灣、地域、語言、飛輪海相關、炎亞綸、CP 粉等。汪東城曾經同炎亞綸傳出不和，自飛輪海解散後，已經冇見過四人同台，炎亞綸亦曾經直言與飛輪海成員唔係朋友，解散後基本上冇聯絡。雖然辰亦儒、吳尊及汪東城私下經常碰面，不過始終唔見炎亞綸嘅蹤影，令不和傳聞越炒越熱。

Photo from 《追光吧！哥哥》微博

Photo from aayan1120@IG

另外，汪東城嘅「禁忌點」仲包括 Cosplay，清單列明有關動漫、二次元、火影內容需要溝通，仲寫明「藝人對這個領域很嚴謹」，可見汪東城真係好熱愛 Cosplay。

Photo from jirorocker@IG

Photo from jirorocker@IG

禁忌清單曝光後立即引起網民熱議，有網民稱讚汪東城對 Cosplay 嘅熱誠，都有網民表示應該係節目組喺度炒作，亦有網民覺得「有幾個真是名聲不大，條件挺多」、「不想提的巧合是觀眾感興趣的」，都有網民表示咁樣根本就係好明顯地提醒緊大家呢啲藝人嘅黑歷史。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）