Netflix韓劇《驅魔麵館》大熱！憑4集收視登電視台史上第2高！打怪設定被稱為「韓版鬼滅」

最近韓劇《驅魔麵館》爆紅，以黑馬之姿跑出，喺 Netflix 排名榮登第四位，淨係播咗 4 集已經成為韓國 OCN 電視台史上收視第二高嘅電視劇，僅次於神劇《Voice》！劇集喺韓國嘅討論度亦非常高！

《驅魔麵館》由趙炳圭、劉俊相、金世正及廉惠蘭主演，以陰間使者捉惡靈為題材，改編自同名漫畫。故事講述「蘇炆」（趙炳圭 飾）細個嘅時候因為一場交通意外失去雙親，自己嘅一隻腳亦受傷，成為傷殘人士。偶然有一天「蘇炆」被一道閃光擊中，意外獲得超能力，並加入以經營「姐姐家麵店」掩護身分嘅陰間使者團隊，與「賈模度」（劉俊相 飾）、「都哈娜」（金世正 飾）及「秋梅玉」（廉惠蘭 飾）一齊並肩作戰捉惡靈。

Photo from ocn_original@IG

Photo from ocn_original@IG

演員陣容雖然唔係最鼎盛，但每個演員都有一定嘅知名度，趙炳圭憑韓國神劇《Sky Castle》開始為人熟悉、金世正係韓國女團「gugudan」成員，喺韓國人氣頗高、劉俊相及廉惠蘭都係經常出演喺韓劇嘅實力派演員。

Photo from ocn_original@IG

Photo from ocn_original@IG

Photo from ocn_original@IG

除咗演員之外，劇集題材都好吸引，每個陰間使者都有超能力，「賈模度」擁有神力、「都哈娜」擁有敏銳嘅聽覺、「秋梅玉」則擁有治療能力，身為主角嘅「蘇炆」，超能力更加係非常驚人，不論係速度及力量都無窮無盡，不斷爆發。而超能力嘅構想更令主角們嘅動作戲更加精彩，非常有型！

Photo from ocn_original@IG

Photo from ocn_original@IG

已經播出咗嘅首 4 集除咗講述主角們捉惡鬼之外，都有講述「蘇炆」學校嘅欺凌事件。望住「蘇炆」唔再卑微地忍耐，而係開始還擊，將學校嘅欺凌份子打到落花流水，一場場動作戲除咗有型之外，更加睇到非常大快人心！

在 Instagram 查看這則貼文

OCN 공식 인스타그램（@ocn_original）分享的貼文

劇集雖然只係播咗 4 集，但口碑已經相當唔錯，小編都有追呢套劇，十級推薦！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）