盤點Netflix《今際之國的有栖》劇中 5 大美女　土屋太鳳運動背心唔及朝比奈彩比堅尼吸睛？

Netflix 新上映嘅依套漫畫改編日劇《今際之國的有栖》（又名《今際之國的闖關者》）喺上架短短 3 日就已經成為 Netflix 人氣榜嘅No 1.，劇中以電影級製作真人版生死遊戲作為題材，除咗故事節奏明快唔會拖泥帶水，被激讚燒腦神劇外，唔少人都仲被劇中女演員嘅造型所吸引添！

今次就盤點劇中 5 位靚女演員介紹畀大家喇～

1. 土屋太鳳
劇中土屋太鳳飾演嘅宇佐木柚葉從小就被爸爸訓練成為登山美少女，運動能力超班。每集作都係以運動背心上陣，晒健美身型。不過唔知大家有冇發現一個問題，就係按照劇中嘅設定，故事背景應該係喺一個屬於只餘下少數人口嘅東京區，物資應該唔多，但土屋可以喺劇中不斷換款唔同款嘅運動背心！？

2. 朝比奈彩
全劇以三點式示人嘅朝比奈彩，而喺第 7 集大戰中，朝比奈彩更著住三點式玩空手道，好型呀！

3. 水崎綾女
水崎綾女喺劇中嘅出浴、性愛、色誘場面，跟原作中嘅角色性格有似有啲出入。

4. 三吉彩花
三吉彩花係故事「海濱篇」嘅重要角色嚟，漫畫中角色長期戴黑超，但喺劇中三吉彩花就一身露臍裝襯熱褲曬長腿。

5. 仲里依紗
仲里依紗飾演嘅加納未來喺劇中擔任咗非常重要嘅關鍵角色，到底點解就有待大家自己煲劇睇喇！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）