周華健 30 歲混血兒子正式出道　五官深邃歐美型男

周華健嘅太太係美國人，兩人嘅混血兒子周厚安早前喺社交平台上傳與吳宗憲女兒吳姍儒嘅合照，正式出道做主持人。

30 歲嘅周厚安 1990 年出生，完美遺傳咗媽媽嘅基因，如果唔講，一定唔會知道佢係混血兒，只會覺得佢係一個完完全全嘅外國人。周厚安五官立體、深邃、濃眉大眼、鼻樑高、皮膚白皙、身形健碩，之前仲留住長髮，完全就係一個典型嘅歐美型男！

Photo from chau.houan@IG

Photo from chau.houan@IG

同其他星二代唔同，周厚安同周華健並冇經常合體，所以相比起其他星二代，周厚安比較低調。不過當兩個人企埋一齊嘅時候，喺周厚安身上完全搵唔到周華健嘅影子，只能說媽媽嘅基因真係太強勁！

Photo from 微博

早前周厚安喺社交平台上傳與吳宗憲女兒吳姍儒嘅合照，並寫道：「大家好～週末愉快！我很高興可以跟大家分享我即將要和 @sandywis 一起主持的全新實境節目！」周厚安正式出道做主持人，仲係搭檔吳宗憲女兒吳姍儒，兩位星二代一齊合作！

Photo from chau.houan@IG

其實周厚安正式出道前都有出席一啲商業活動，星味十足！喺現今嘅華人娛樂圈比較少周厚安呢種歐美型男長相，相信佢好大機會成為新一代男神！

Photo from chau.houan@IG

Photo from chau.houan@IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）