移民澳洲注意！比悉尼墨爾本更好住城市！澳洲最佳居住城市2020

近年「移民」呢兩個字，不時圍繞香港人嘅腦袋，究竟離開香港後，邊度生活最好？英國、加拿大、日本、台灣、定係澳洲？最近有機構發表澳洲最佳移居城市報告，將全澳洲10個城市分42個小區做調查，準備移民去澳洲嘅朋友值得留意。

研究「Life in Australia」由當地一間數據公司Ipsos提出，喺今年7月向14,010名18歲以上嘅澳洲人進行網上意見調查。問卷內容圍繞16種生活因素，當中包括城市安全度、高質素護理服務、公共交通可信度、就業情況等作出調查，並將10個城市再劃分東南西北小區去研究，到底邊度生活質素最好。

結果發現，雖然港人最愛嘅兩大城市悉尼的Sutherland同墨爾本Inner South都同樣獲得高分，分別是71.2分及70.4，不過最高分、最佳居住條件殊榮係南部城市阿德萊德嘅Central and Hills，獲得71.5分，全部的評分項目都得到高於平均分水評，細分如下：

 安全度：7.9

房屋負擔能力：6.3

高質素護理服務：7.4

可信賴及高效率公共交通服務：6.9

大自然環境可達度：8.0

工作展望：6.2

購物、悠閒文娛及膳食：7.3

相對輕鬆的往返服務：7.2

強烈社區意識：7.0

高質素教育機會：7.4

社區凝聚力：7.2

較少道路擠塞：6.7

繁榮經濟：6.5

進升機會：6.9

博物館、藝術館及節日：6.4

體育事項參與及觀賞：7.7

阿德萊德位於澳洲嘅南部沿海地區，係澳洲第五大城市，人口超過130萬。當地夏季同冬季嘅平均溫度為11°C至30°C。從上述調查發現，當地人最滿意係容易親親大自然，以及城市嘅安全度十分高，其次係當地好多體育節目觀賞或者參與，令當地人非常滿意生活質素。

仲有，大家移民都係想有一個更加安全嘅居住環境，呢個研究話你知澳洲人都係咁諗，受訪市民需要由16個因素之中，選中5個覺得最重要嘅因素。有72%受訪者認為城市安全度係非常重要，其次係房屋的負擔能力有48%，第三係高質素護理服務，有45%。

如果大家準備想移民澳洲的話，心大心細諗緊想移去悉尼定係墨爾本好？依家俾多個選擇你，阿德萊德除咗生活質素好，對於移民嘅朋友選擇去阿德萊德仲有個好處，下一篇關於移民澳洲再同大家分享。