冬至必食12款湯圓！大部分超市有售 貓山王榴槤/抹茶/芋泥/芋圓丸子

俗語話「冬大過年」，一年一度嘅冬至，食湯圓是常識吧！市面上有唔同牌子、口味選擇，以下推薦12款必食口味，喺超市都買到，煮起上嚟非常方便，口味眾多，實有一款啱食！

（貨品價格以商店為準）

#利川 桂花豆沙湯圓

價錢：HK$15.9 （按此購買）

利川湯圓絕對係香港有名嘅湯圓品牌之一，除咗傳統嘅花生、芝麻口味之外，桂花豆沙湯圓唔算太甜，價錢實惠，冬至食返碗暖笠笠～

#灣仔碼頭 彩虹水晶湯圓

價錢：HK$28.9 （按此購買）

灣仔碼頭唔止有餃子、餛飩，仲有推出湯圓。水晶湯圓系列以藕粉製作，外皮超煙韌，有黑芝麻、花生、紫薯3種味道。

#灣仔碼頭 芋圓丸子

價錢：HK$24 （按此購買）

灣仔碼頭仲有推出芋圓丸子系列，外型迷你，口味亦獨特，有紫薯、芝麻芋泥、紅豆泥。

#老虎堂 黑糖流沙湯圓

價錢：HK25.9 （按此購買）

台灣黑糖珍奶名店老虎堂嘅新產品，有除咗芝麻、花生口味外，內餡仲有珍珠同古早味黑糖，中意飲黑糖珍珠鮮奶嘅可以試下！

#小寧波 紅棗湯圓

價錢：HK$$39.9 （按此購買）

小寧波係50年老字號，冬天咁凍，可以試下呢款紅棗湯圓，食完個身暖返晒！小寧波仲有推出其他味嘅湯圓，除咗芝麻、花生之外，紅豆味都唔錯～

#小寧波 奶黃湯圓

價錢：HK$36.9

一田超市有售老字號小寧波奶黃湯圓，奶黃係市面上較少有嘅餡，大家如果想試特色湯圓，奶黃少有得嚟亦較易接受，唔怕中伏。

#桂冠 抹茶湯圓

價錢：HK$22.9 （按此購買）

嚴選百年京都抹茶粉製作，抹茶同湯圓原來都好夾！外皮煙韌，內餡抹茶微苦，食落有層次！

#桂冠 紅豆湯圓

價錢：HK$22.9 （按此購買）

台灣品牌桂冠仲有推出紅豆餡，紅豆餡超綿密，紅豆愛好者千萬唔好錯過。

#Fresh To Go 黃金腰果湯丸

價錢：HK$30 （按此購買）

採用越南腰果仁、鹹蛋黃、糖冬瓜、芝麻等材料製作，呢個餡夠晒特別！另外仲有玫瑰花紅豆湯丸，加入天然法國玫瑰花，仲食列粒粒紅豆！

#義美 芋泥湯圓

價錢：HK$14.9

同樣都係喺一田超市出售，價錢超值，一咬即香濃芋蓉湧出，熱愛芋泥嘅必試呢款湯圓！

#加零一 牛乳湯圓

價錢：HK$54 （按此購買）

牛乳湯圓應該係大人細路都啱食嘅，最適合全家一齊喺冬至團圓時食！

#貓山王榴槤湯圓

價錢：HK$55 （按此購買）

榴槤控必食嘅榴槤湯圓！！！！用咗馬來西亞貓山王榴槤果肉做餡，啖啖榴槤滋味～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）