金希澈拍廣告 Cosplay 徐睿知超靚！網民：開頭以為真係徐睿知

金希澈由出道開始就畀人話「外貌比得上女偶像」，而且仲經常喺綜藝節目度 Cosplay 女偶像、女演員等。早前金希澈拍廣告時就 Cosplay 徐睿知，廣告一出即刻引起網民熱議，因為實在太靚！

早前徐睿知同朱智勳合作拍攝廣告，廣告中徐睿知紮住髻，著住高領嘅恤衫，搭配黑色西裝外套，高冷嘅神情，女王氣勢爆燈。

Photo from 네이버 시리즈@YouTube

Photo from 네이버 시리즈@YouTube

而金希澈最近拍攝嘅韓國食品廣告就模仿咗徐睿知同朱智勳嘅拍攝造型，當中金希澈嘅女裝造型更係令人驚艷！廣告一樣係黑白主調，金希澈模仿徐睿知著住高領恤衫同西裝外套、紮髻，連表情、笑容都扮到十足十！不得不說，金希澈呢一身造型同氣勢真係比得上徐睿知，氣場超勁！

Photo from 대상그룹DAESANG@YouTube

Photo from 대상그룹DAESANG@YouTube

Photo from 대상그룹DAESANG@YouTube

Photo from 네이버 시리즈@YouTube

廣告一出，網民大呼金希澈真係太靚啦，著起女裝完全冇違和感！有網民表示一開頭真係以為係徐睿知，亦有網民話金希澈點解可以仲靚過女人，仲有網民表示專登喺網上搵呢個廣告睇，非常搞笑。

Photo from kimheenim@IG

金希澈嘅美貌真係唔係講笑，好少見男藝人可以咁成功地 Cosplay 女藝人，而且仲毫無違和感！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）