港姐冠軍陳曉華被爆與Ian陳卓賢拍拖！fans湧入IG怒罵： 拍一套戲痴一個男人

2018年香港小姐冠軍陳曉華被影到疑似同Mirror成員陳卓賢（Ian）拍拖兼同居。兩人一個係TVB旗下，一個ViuTV出身，唔止公司唔相容，有部分fans更湧入陳曉華IG留言狠批「照下鏡先」

陳曉華貴為2018年香港小姐冠軍，卸任後開始拍劇，雖然暫時未有令人印象深刻嘅演出，近日就傳出緋聞。

最近陳曉華被影到坐上Mirror成員Ian陳卓賢名下嘅車，更被爆喺荃灣同居。

陳曉華現時係TVB旗下藝人，而Ian就係ViuTV《全民造星》亞軍，好似無咩合作機會，估唔到會傳出緋聞。

雖然雙方都無承認戀情，但fans已經非常緊張，有唔少Ian fans到陳曉華IG post度留言。

佢最新一個post指自己：「今年很幸運，遇到很多機會，還有很長長的路要學習和努力，加油加油」但下面Ian fans就留言：「好幸運係咪好幸運可以同陳拍拖?咁我恭喜你 要努力呀！你都幾叻女下 拍一套戲癡一個男人，不如學習下點樣做人先☺️」

Photo from Ian fans就留言：「好幸運係咪好幸運可以同陳拍拖?咁我恭喜你 要努力呀！你都幾叻女下 拍一套戲癡一個男人，不如學習下點樣做人先☺️」

亦有fans反問佢：「個機會係咪同到Ian拍拖呀?」仲指個機會應該係佢主動出擊。

「希望你可以放過ian」、「你走啦，Ian唔啱你， 照下鏡先?」而且呢啲留言嘅like數都唔少，好多都頂咗去前排。

睇嚟Ian fans完全唔接受呢段緋聞，反應超大！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）