Do姐/汪阿姐一班好姊妹交換禮物有人送衛生巾！Do姐控訴有人經常送cheap嘢

鄭裕玲（Do姐）喺電台節目中爆料指「至八會」每年聖誕節都會交換禮物，當中有一位經常送啲又cheap又唔實用嘅嘢。有一次更送衛生巾，Do姐直言：「我哋班人無乜邊個用到！」

聖誕佳節，同至親好友交換禮物係其中一項活動～由Do姐、汪阿姐等人組成嘅「至八會」，原來都會年年交換禮物！

Photo from 鄭裕玲IG

「至八會」由香港演藝界一班「大姐大」嘅名人組成，個個喺演藝圈都相當有地位，成員包括汪明荃（汪阿姐）、鄭裕玲（Do姐）、毛舜筠（毛毛姐）、林建明（大姐明）、顧紀筠（顧老闆）、查小欣、曾華倩、寇鴻萍、江欣燕等。

Photo from 汪明荃IG

佢哋喺香港打滾多年，不過都好似好多女生一樣，對聖誕禮物好有憧憬！

Do姐喺電台節目中爆料指年年都有人送埋晒嘅唔實用嘅「cheap嘢」！Do姐表示最初無講明唔可以送「cheap嘢」：「佢就求其送對襪！」佢就係「大姐明」林建明喇！

Photo from 鄭裕玲IG

之後個個朋友都怕會收到大姐明份禮物，於是就講到明以後禮物價值要超過HK$200。點知其他人送化妝品、護理產品等，大姐明再送出自己嘅親筆簽名相！大姐明更霸氣指呢份禮物價值遠遠超過$200：「係無價！」

Photo from 林建明微博

大姐明喺送禮物方面認真有諗頭，仲試過送價值$200嘅廁紙同衛生巾，Do姐更直言：「m巾我哋班人無乜邊個用到！」

除咗大姐明之外，其實大家都收過啲好特別嘅禮物，好似汪阿姐有一年送過紅色底褲畀一班好友，條條嘅圖案、款式都唔同，佢哋更有合照留念添！

Photo from 汪明荃IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）