楊卓娜與老公相戀11年原來並未註冊！視兩名繼女如己出 對老公超有信心

楊卓娜與「燈箱大王」老公楊志翹相愛多年，兩人女兒亦已有11歲，佢同2位繼女關係好好，更獲封「最強繼母」。但佢原來同老公並未註冊結婚！楊卓娜表示對老公非常有信心。

楊卓娜2009年生下女兒，同老公感情多年嚟都好好，而且視兩位繼女如同己出，一家五口關係融洽。

Photo from 楊卓娜IG

其實楊卓娜同初戀男友都拍咗11年拖，後來開設手工藝班，認識咗現任老公—「燈箱大王」楊志翹，同樣都相愛多年。

Photo from 楊卓娜IG

當時楊志翹兩個女兒都係手工藝班學生，最終更成為一家人。多年嚟楊卓娜因為同兩位繼女感情好，更因此獲封「最強繼母」。

Photo from 楊卓娜IG

不過近日楊卓娜就透露，雖然同老公相戀11年，但兩人至今仍未註冊結婚！

Photo from 楊卓娜IG

佢表示比起一紙婚書，兩個人嘅信任、關係更加重要，佢指非常相信老公，老公亦畀到信心佢，所以婚書只係一個形式、法律文件。

不過楊卓娜一家的確相處融洽，佢亦經常喺網上分享一家五口嘅生活點滴，非常溫馨。

Photo from 楊卓娜IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）