暑假又到喇！台東5日4夜行程推介懶人包～一定要去台東熱氣球嘉年華！

唔經唔覺又5月，暑假就快到喇！而台灣應該係好多香港人去旅行既選擇，又近又平嘛～不過唔好比小編估中，你哋又想去台北掃街shopping啦？其實台東都好好玩㗎，大人細路都一定會鍾意，依家就即刻跟小編睇下有咩玩啦！

Photo from 專業旅運

暑假同家人朋友去台東，其實5日4夜就啱啱好～始終大家成年人要搵食，哪來咁多假放先…比幾個行程大家睇下啦！

首先第一日可以去咗欣賞一下台東美麗既海岸景色～例如小野柳國家風景區，一望無際既海岸線真係超級吸引！香港人大概好少機會可以睇到咁壯觀既畫面～

Photo from 專業旅運

然後繼續去加路蘭太平洋海岸景區都可以欣賞到一片蔚藍大海～

Photo from 專業旅運

第二日大家可以選擇去見識一下台東熱氣球嘉年華2017，唔係經常都有㗎！今年既活動日期係6月30日至8月6日，正正係暑假時期～情侶一齊去欣賞咁美麗既景色，一定浪漫死啦～

Photo from 專業旅運

滿天既熱氣球唔使去到外國睇，近近地台灣都可以欣賞到！好壯觀既畫面啊～～

Photo from 專業旅運

如果一家大細去，可以選擇去初鹿牧場玩～又牛牛又馬馬咁，小朋友一定玩得好開心！

玩完一日一定好攰，之後可以去鹿嗚溫泉飯店，自由咁享受酒店內既溫泉設施，真係立即疲勞盡消！

Photo from 專業旅運

或者大家可以選擇去伯朗大道欣賞一下現場景色～因為依一到係金城武拍攝廣告既場地！fans絕對唔可以錯過～

Photo from 專業旅運

最後一日當然要用盡所有精力時間去玩！一大班朋友可以考慮下去台東既「天堂路」扮個文青、踩下單車～

Photo from 專業旅運

踩到攰攰哋就當然要去搵好野食～台東夜市就一定啱晒大食又想食平野既年輕人！地瓜球、蚵仔煎、排骨酥、青蛙撞奶、臭豆腐…台灣真係小食天堂！

Photo from 專業旅運

想走文青路線既人可以揀去鐵花村市集～依一個地方由鐵道貨倉宿舍改建而成，依家就成為咗文創市集。係鐵花村入口處有好多小熱氣球，每晚6點到9點都會亮燈。大家記住要打卡啊！

Photo from 專業旅運

Photo from 專業旅運

如果行程安排得好，第五日既早上仲可以自由活動周圍玩下！小編都知好多懶鬼想有人計劃好晒所有行程，所以幫大家搵到喇！專業旅運最近推出咗4日/5日台東自遊行既package，基本上所有野都已經plan好晒，真係超方便，大家有興趣可以去佢哋既官網睇下！

Presented by: 專業旅運

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載