徐嬌23歲亭亭玉立唔再男仔頭！回憶十幾年前拍《長江七號》直言係「童年陰影」

徐嬌今年23歲，佢10歲時參演周星馳電影《長江七號》後走紅。近日出演配音節目《我是特優聲》，佢已褪去當初男仔頭嘅模樣，但亦直言《長江七號》呢套電影係佢嘅「童年陰影」。

徐嬌近日現身配音節目《我是特優聲》，喺節目中更一人分飾兩角：一位青年女英雄、一位小男孩。佢秒速切換聲音無難度，連專業嘅配音演員亦大讚佢表現出色。

Photo from 徐嬌微博

其實喺2006年，徐嬌獲星爺周星馳睇中，參與電影《長江七號》，喺戲中徐嬌反串飾演星爺仔仔周小迪，電影上映後，徐嬌因為呢個角色爆紅。

Photo from 《長江七號》

Photo from 《長江七號》

曾經反串做男仔，《我是特優聲》中嘅配音演員大讚徐嬌喺《長江七號》展現出專業嘅配音能力。

Photo from 徐嬌微博

不過提到十幾年前拍攝《長江七號》，徐嬌就坦言係佢嘅「童年陰影」，因為周星馳擔任導演，經常為咗一個鏡頭可以拍足20~30次，要求非常嚴格。

Photo from 微博

後來拍攝期間3個月終於過去，徐嬌表示：「以為已經不會再有這樣的折磨了」點知仲要配音。

Photo from 徐嬌微博

佢指當時年紀好細，對10歲嘅小朋友嚟講，配音係相當困難，尤其係喊戲更難，喺現場拍攝時佢根本喊唔出，星爺更要搵埋徐嬌媽媽出手先搞掂。

Photo from 微博

依家嘅徐嬌幾乎睇唔出當年男仔頭嘅影子，今年23歲嘅佢留返長髮，已經亭亭玉立。

Photo from 徐嬌微博

Photo from 徐嬌微博

徐嬌回憶過往指之後已再無遇過好似周星馳咁嚴格嘅導演，佢感嘆：「對我來說，真的是我人生中目前為止最幸運的事情。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）