中/港/台/泰 5 位藝人近照！髮際線高/滿臉鬍鬚/面容僵硬/中年發福　被批走樣高顏值不再？

對歌手/藝人嚟講 keep 住顏值可以話係除演技/唱功之外，第二重要嘅人生大事嚟，但隨住年齡同歲月蹉跎唔少藝人不時都會被拍到憔悴老態盡顯嘅情況，部分藝人更被指因為微調過度而面容僵硬，樣貌非常唔自然等嘅情況。今次就為大家盤點咗 5 位中/港/台/泰嘅藝人近況！

1. 泰國混血男神Mario
泰國校園電影《初戀這件小事》喺 2010 年上映時令唔少人對泰國電影改觀，戲中男女主角嘅一段純愛故事打動唔少觀眾，而男主角 Mario Maurer 更因此人氣急升，其零死角靚仔樣當時成為少女們嘅男神，但早前佢出席手錶活動時就慘被指發福走樣！

前：

近照：

2. 言承旭
冇見一排台灣男星言承旭，早前出席同為台灣藝人安以軒女兒嘅滿月宴時，留有一頭長髮嘅佢加上鬍鬚，瞬間多咗一份成熟男人味。不過有網友就指認為他依個 look 睇起吸略顯憔悴同滄桑，似乎冇咗偶像嘅魅力。

前：

近照：

3. 陳冠希
陳冠希2000年出道憑混血靚仔樣成為唔少女性心目中嘅「男神」，近年外貌經常成為話題，指佢靚仔樣不再。而早前一身名牌衣著，但黑背心、紅褲嘅穿搭被網民笑似水喉工，加上光頭髮型現老態令人諗起小丸子爺爺。

前：

近照：

4. 汪東城
39歲嘅汪東城真係保養得唔錯，五官非常精緻，尤其係一對超深雙眼皮。不過唔知係咪五官太過精緻，所以被指面容勁僵硬，好唔自然，更做唔到好大嘅表情。

前：

近照：

5. 楊冪
34歲嘅大陸女星楊冪憑精緻五官、火辣身材走紅。近日微博上流傳佢嘅素顏照，被指非常憔悴現老態，而且髮際線好高，同以往鏡頭前嘅明艷大為不同，有網友指佢「秒變路人」。

化妝後：

素顏：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）