【1 月星座運勢】白羊、金牛、雙子及巨蟹座運程一覽！雙子座整體運勢唔錯？

新一年就到，相信大家都好好奇自己新一年嘅星座運勢，今次就講吓 12 星座中白羊、金牛、雙子及巨蟹座 1 月嘅星座運程，到底喺感情、工作及金錢運勢上如何呢？

白羊座
白羊座嘅朋友 1 月嘅金錢運唔錯，賺錢暢通無阻。喺工作方面，要謹記喺 1 月千萬唔好同愚蠢嘅人爭論，要維持自己嘅格調及想法，喺別人眼中要有銳角，咁先會顯得厲害一啲。喺感情方面，可能會出現一啲同床異夢嘅情況，彼此可能會失去溝通嘅機會，所以就算幾忙都好，記住要抽啲時間去經營感情。

Photo from iam_joechen@IG

Photo from Pinterest

金牛座
金牛座嘅朋友喺工作及賺錢上一定要事必躬親，交代畀人哋做嘅事可能會不如自己想像中進行得咁順利，所以親力親為可能會更好。喺感情上，或者會感到有啲寂寞，不過要切記寧缺勿濫！

Photo from roxannetong@IG

Photo from Pinterest

雙子座
雙子座喺 1 月可能會覺得成個人唔太如意，有啲困頓，但其實整體運勢係唔錯嘅。金錢運上，多做自己熟悉嘅事，唔熟悉嘅千萬唔好做，因為咁樣反而會有所損失。喺工作上一定要深謀遠慮，控制好自己嘅嘴巴，唔應該講嘅嘢千萬唔好講。感情方面，可以話係非常幸福快樂，如果工作令你覺得消極難過，咁感情就會畀返啲正能量你。

Photo from charmaine_sheh@IG

Photo from Pinterest

巨蟹座
巨蟹座 1 月喺金錢方面雖然賺錢好順利，不過用錢都用得快，所以要記住做好理財。工作上，不妨嘗試下新嘅挑戰，挑戰後出現嘅新路線可能會為你帶來財路。感情方面琴瑟和鳴，另一半會為你帶來幸運，聽吓另一半講嘅嘢可能會有所得著。

Photo from actorleeminho@IG

Photo from Pinterest

之後仲會有其他星座嘅 1 月運程，記住留意啦！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）