【小編試食】Pacific Coffee 推出爆谷咖啡新飲品，好重焦糖香味～咦？杯飲料有聲嘅？

Pacific Coffee推出三款全新爆谷飲品，凍爆谷朱古力牛奶咖啡、爆谷牛奶咖啡同焦糖爆谷咖啡其樂冰，依家開始有得飲啦～～有好香焦糖爆谷味，咦？咪住先，點解杯野飲發出聲音嘅？

三款爆谷系列飲品，供應期至7月11日，喜歡焦糖味道嘅你，今個夏天又多種透心涼飲品選擇啦～

現時只有凍爆谷朱古力牛奶咖啡同爆谷牛奶咖啡供應，如果想飲焦糖爆谷咖啡其樂冰，就要等到5月31日先有得飲，好野係要等耐d㗎啦～

爆谷牛奶咖啡加入爆谷味糖漿，面頭嘅cream淋上焦糖糖漿，有好重嘅奶味同焦糖味道，飲落會有焦糖爆谷味道～

凍爆谷朱古力牛奶咖啡比較甜，咖啡味同焦糖味少d ，但有好重朱古力味，啱晒朱古力控～

點解杯野飲會發出聲音呢？因為面頭除左cream同焦糖漿之外，仲加入左「爆炸糖」！！飲嘅時候會食到一粒粒爆炸糖，口感好得意㗎，係咪好「爆」呢～～

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載