姜濤談及 Anson Kong 黑面為其護航　Lokman：佢皮膚黑所以黑面係正常

姜濤早前喺《2020 年度叱咤樂壇流行榜頒獎典禮》奪得「叱咤樂壇我最喜愛的男歌手」，仲以 21 歲之齡打破紀錄，成為史上最年輕奪得呢個獎嘅男歌手！消息一出，瞬間引起網民議論，姜濤早前接受傳媒訪問時亦大談自己嘅感受及關於隊友 Anson Kong 黑面一事。

姜濤早前喺《2020 年度叱咤樂壇流行榜頒獎典禮》奪得「叱咤樂壇我最喜愛的男歌手」一獎，被林海峰形容係「逆市奇葩」，佢更以年僅 21 歲之齡打破紀錄，成為史上最年輕嘅「我最喜愛的男歌手」得主。而姜濤得知得獎後十分驚訝，由公布結果到上台攞獎全程 O 嘴，令人印象深刻。

Photo from 商業電台 Hong Kong Toolbar@YouTube

Photo from keung_show@IG

姜濤攞獎嘅消息一出，瞬間引起網民熱議，唔少網民對佢攞獎感到不滿，仲拎以前嘅歌手同佢比較，認為佢哋唔係同一個 Level，不過都有網民支持佢，希望佢繼續加油。

Photo from keung_show@IG

而姜濤早前接受傳媒訪問時大談得獎感受，亦都有對網民嘅反應作出回應。姜濤表示自己都係第二日先知大家對呢件事嘅討論度咁高，直言：「最開心嘅係起碼有人關注我哋，好唔好其實由出道到依家都有好多人一直講，所以冇乜所謂。」

Photo from keung_show@IG

Photo from mirror.weare@IG

而當被問及當晚隊友 Anson Kong 黑面一事，姜濤同 Lokman 就搞笑回答，幫 Anson Kong 解釋，姜濤笑話：「皮膚都好黑㗎佢！」Lokman 都附和道：「佢皮膚黑所以黑面係正常，因為本身係黑色㗎嘛」，非常搞笑，Lokman 亦補充道：「戴住口罩都可以睇到佢黑面，我覺得呢個係犀利嘅。」不過後來兩人都有認真回應，Lokman 指大家都見證住 Anson Kong 嘅努力，佢想攞獎係真嘅，當期望太大，對自己嘅失望都會相對地大，都係人之常情，仲話：「咁起碼佢有勇氣黑面畀大家睇啊，如果係嘅話」，姜濤都表示黑面可能只係純粹對自己嘅一種失落。

Photo from 商業電台 Hong Kong Toolbar@YouTube

Photo from _kisang_@IG

而對於 Anson Kong 事後發文惹來批評一事，Lokman 就表示：「呢個都係 AK 得人鍾意嘅地方，佢真係好直，佢真係唔會點樣去掩飾。」姜濤仲話以前私底下團隊鬧交，佢都係話「嚟啊嚟啊，鬧啊」，直言 Anson Kong 係佢哋之中最大膽嘅人。

Photo from llokmann@IG

雖然有好多網民都覺得佢哋唔夠資格拎呢個獎，甚至攞佢哋同以前嘅歌手比較，但老實說 MIRROR 嘅表現的確唔差，而且依家已經 2021 年，香港樂壇真係要交畀呢班後起之秀。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）