金光閃閃好燦眼呀！！！日本靜岡縣金箔抹茶雪糕，今次真係相機食先啦～

每次聽到抹茶呢兩個字，都會聯想到宇治金時，採茶配紅豆呢一個完美嘅組合～日本靜岡縣最近推出左新嘅抹茶雪糕，配搭嘅唔係老拍檔金時，而係金光閃閃嘅金箔！！哎呀，好燦眼呀！！！

Photo from Instagram

想搵到好嘅抹茶，大家第一時間都會諗到京都嘅宇治～其實東京靜岡縣都係一個唔錯嘅選擇，靜岡嘅氣候溫和，有一大遍茶園，仲佔左日本產茶量嘅四成～呢間叫「おやいづ製茶」嘅茶葉批發商，今個夏天就推出左一共7種口味雪糕為大家消暑，最近仲喺雪糕外層加上金箔，感覺好豪華喔～

Photo from atpress

7種雪糕口味之中，最受歡迎嘅就係「經典特濃抹茶 (Classic Strong Matcha) 」，入口有抹茶嘅甘甜，有淡淡嘅茶香，加上金澤嘅10cm x 10cm大片金箔，賣相一流～～

Photo from atpress

除左抹茶金箔雪糕之外，仲有抹茶latte、本山綠茶、茉莉花茶、紅茶同雲呢拿等等口味，好難揀呀～

Photo from atpress

金箔抹茶雪糕上面嘅金箔來自金澤，原來金澤好多年前已經出產金箔，當時日本百分之九十九嘅金箔都係來自金澤～品嚐雪糕同時，可以細味歷史～

Photo from atpress

金箔本身比較黏，食嘅時候好容易將金箔黏滿成個嘴～

Photo from atpress

金箔抹茶雪糕售價為 900 日元，今個夏天去靜岡縣過一個金光閃閃嘅假期，享受一下奢華嘅生活啦～

Photo from atpress

店鋪資料
小柳津清一商店「おやいづ本店」
地址：静岡県静岡市駿河区向敷地1198-1 本社1階
營業時間：08:30～17:30 ／星期日及公眾假期休息

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）