【新年好去處2021】全港農曆新年商場打卡熱點、開放時間一覽　為食妹/Lulu豬/癲噹（不斷更新）

話咁快仲有唔夠 1 個月就係農曆新年，雖然今年因為疫情邊度都冇得去，不過喺香港嘅商場都有唔少賀年裝飾，得意卡通角色都同大家一齊迎接新年，今次就你整合咗全港人氣商場活動，等大家趁假期可以去影相打吓卡～

1. 朗豪坊：《迪士尼TSUM TSUM 春日園遊會》

今個新春迪士尼TSUM TSUM將驚喜現身朗豪坊，化身成12生肖擺設與粉絲拍照，場內設有新春限定店，帶來超過300款賀年精品，最吸引則是12生肖福袋，TSUM TSUM迷萬勿錯過！

迪士尼TSUM TSUM春日園遊會
活動地址：九龍旺角亞皆老街8號朗豪坊
活動日期：1月22日至2月28日

2. 荃灣廣場：PLASTIC THING食得是福迎新春

本地人氣插畫家PLASTIC THING筆下的為食妹化身成新年主角，將於1月21日至2月28日登陸荃灣廣場陪大家過牛年。位於荃灣廣場5樓的平台花園設有4大打卡位，其中20米長為食妹賀年日程表打卡位，有齊多個不同造型的為食妹，粉絲更可以與為食妹一起坐在搖搖板上鬥擺Pose。

荃灣廣場X PLASTIC THING食得是福迎新春
日期：2021年1月21日至2月28日
地址：荃灣廣場L5戶外平台
時間：星期一至四10:30am-8:30pm
星期五、六、日及公眾假期: 10:30am-10pm

3. 置富Malls：罐頭豬Lulu

今次罐頭豬Lulu會現身於置富Malls多個商場，簡直是新春粉絲見面會，屆時各位豬迷可以到各處城捕捉Lulu豬萌爆蹤影！Lulu豬新春造型分別於馬鞍山廣場、+WOO嘉湖、紅磡置富及沙田置富第一城。其中富士山下的日式家居擺設更充滿日本感覺，彷彿與Lulu豬去了日本花火祭！

LULU豬新春造型登場
馬鞍山廣場
地址：新界馬鞍山西沙路608號

+WOO嘉湖
地址：新界天水圍天恩硌12-18號

紅磡置富
地址：九龍紅磡都會道6號

沙田置富第一城
地址：新界沙田第一城銀城街1號、2號

4. 元朗廣場： 《孔雀報喜桃花園》

元朗廣場今年以孔雀報春為設計靈感，喺逾千呎嘅場地建構桃花園，高逾 8 呎孔雀王栩栩如生地聳立喺滿佈桃花嘅典雅庭園成為全場焦點 ，庭園內仲設有桃花雙子座畀大家打卡，大家唔單止可以喺桃花園內許願求福，更可以用手機喺元朗廣場特設嘅電子許願樹為親友送上祝福添！

《孔雀報喜桃花園》
日期：2021年 1 月 18 日起
地址：元朗廣場地下天幕廣場
時間：上午 11 時至晚上 8時

5. 時代廣場：金銀滿屋福滿年

新春將至，極具心思嘅時代廣場就特意搵嚟匈牙利視覺藝術家設計師 kissmiklos，首次喺香港以其招牌嘅笑臉球 （emograms) 為設計靈感，為大家呈獻「金銀滿屋福滿年」新春企劃，透過布滿由 emograms 設計嘅新春限定巨型藝術裝置、互動打氣專區，以及藝術展覽，希望為過去一年日日戴口罩嘅香港人帶嚟無盡燦爛嘅 Happy Faces！

時代廣場 x emograms ™呈獻「金銀滿屋福滿年」
日期：2021年1月18日至2月28日
地址：香港銅鑼灣時代廣場

6. 愉景灣：Love Is All Around

瀰漫南歐小島風情嘅愉景灣，向來係愛侶拍拖、慶祝紀念日嘅浪漫勝地，見證無數愛侶許下愛的諾言。今年情人節適逢農曆新年，中西佳節均係分享愛和祝福嘅日子，愉景灣以「Love Is All Around」為主題，喺愉景北商場將浪漫迷人嘅粉紅熱氣球作布置，讓象徵勇氣及愛嘅熱氣球喺星空下為戀人送上祝福。

此外心鎖長廊亦以絢爛別緻嘅花卉及燈飾布置，於2月1日至15日特別送上「愛情心鎖」換領活動，讓情侶扣上戀人絮語，締造浪漫溫馨的情人節。

愉景灣「Love Is All Around」
日期：2021 年 1 月 8 日至 2 月 16 日
地址：愉景灣海澄湖畔路92-96號

7. MOKO新世紀廣場：MOKO新春轉運祭

MOKO新世紀廣場今年帶嚟日式「MOKO新春轉運祭」主題布置，畀大家打卡之餘，仲可以轉動幸運輪及祈福許願，兼可預測來年運程。喺 30 米長嘅「MOKO瀛春參道」幸運街上更設有六大裝置場景，當中包括「好運の轉輪」、「御牛神社」及「甜蜜緣結神社」等等，不斷送上窩心祝福。而今年適逢農曆新年橫跨情人節，廣場亦同時貼心設置「甜蜜緣結神社」，讓一眾單身人士可以祈願覓得心儀對象，蜜運中嘅情侶可以繼續甜甜蜜蜜。

MOKO 新春轉運祭 — 「MOKO瀛春參道」幸運裝置
活動日期：1月14日至2月28日
活動時間：上午10時至晚上10時
活動地點：MOKO 新世紀廣場 L1走廊 (近顧客服務中心) 及MOKO POP

8. 新城市廣場： LEGO® LET’S MOOVE 新春動樂園

今年12生肖LEGO minifigures首次齊集香港，將會在1月下旬至2月28日登陸沙田新城市廣場，各個LEGO以健身造型現身，陪大家過牛年！全場設有12個影相打卡位，其中必影就是以1:20比例還原的牛年園林亭園和好運紅牛，LEGO minifigures戴上牛頭套，與大家拜年，淨看造型就已經夠鬼馬搞笑。

Photo from 新城市廣場

新城市廣場 X LEGO® LET’S MOOVE 新春動樂園
日期：2021年1月下旬至2月28日
地點：新城市廣場1期1樓羅馬圓形獻技場
時間：星期一至日 中午12:00pm-10:00pm

9. 黃埔天地：”Din-Dong”x “PostPet”新春聯「萌」

今年黃埔天地將以香港人氣卡通人物「Din-Dong」聯乘日本經典知名卡通品牌「PostPet」為主題帶嚟「招財噹噹黃金『鞠』」，將手鞠設計融入中日式傳統美學於黃埔號及聚寶坊打造兩大新春布置！手鞠源於中國唐代嘅蹴鞠，後傳入日本，由於製作過程用心，也成為帶來好運和象徵幸福嘅禮物。癲噹及 Momo 熊兩大角色更會首次「跨」過界換上對方造型，加上由「Din-Dong」插畫家全新設計的牛仔朋友與大家迎牛接福，令可愛設計更「萌」上加「萌」！

「招財噹噹黃金『鞠』」商場佈置開放詳情
日期：1月中旬開放
時間：上午10時至晚上10時
地點：黃埔天地 黃埔號 及 聚寶坊

10. 荃新天地：TOMICA 50 周年慶典新年

TOMICA 車仔向來吸引唔少大人小朋友粉絲，適逢今年 TOMICA 50 周年，荃新天地將為大家帶嚟「TOMICA 50周年慶典」，設置咗車迷打卡必到嘅巨型情景模型外，仲有充滿特色嘅賀年佈置供大家開心打卡留紀念，當然唔少得 TOMICA 經典珍藏車展喇，車迷記得唔好錯過喇！

荃新天地 X TOMICA 50 周年慶典新年
日期：2021年1月30日至2月28日
時間：上午 10 時至晚上 10 時
地點：荃新天地中庭

11. 黃大仙中心：新春呈獻「花願福臨」

黃大仙中心今年喺北館中庭設置咗 4.6 米高幻彩「花願福臨」桃花許願樹，大家可以免費製作電子許願卡，並上傳至樹上嘅大熒幕，再配合幻彩燈效送上浪漫祝福，祈求願望成真、福氣到臨。而喺許願樹附近更設有體感「花願風車陣」，每當感應到有人行過，花形風車便會自動轉動，為大家轉出好運；除此之外，仲有約 1.5 米高嘅金風車，祝願所有人來年風生水起。

黃大仙中心新春呈獻「花願福臨」
日期：2021 年 1 月 29 日起
地點：黃大仙中心北館中庭

12. 荷里活廣場：Peppa Pig 新春大派對

今個農曆新年，荷里活廣場就有小朋友最愛嘅 Peppa Pig 同大家拜年，共慶溫馨熱閙嘅新春佳節！為咗慶祝新一年來臨，Peppa一家同朋友齊齊換上醒目亮眼嘅唐裝造型驚喜現身，喺五光十色嘅盛大煙花滙演下，暢玩一連串精彩嘅新春活動！此外，大受歡迎嘅「Peppa Pig 兒童碰碰車樂園」亦會以桃花源為佈置，讓小朋友於桃花樹下自由穿梭，感受春回大地嘅新年氣息。

荷里活廣場 X 「Peppa Pig 新春大派對」
日期：2021年1月中旬至2月28日
時間：12pm-10pm
地址：鑽石山荷里活廣場一樓明星廣場

13. 如心廣場商場：LINE FRIENDS幸福花見迎牛年

今個新春如心廣場商場再次請嚟朝氣人氣滿滿嘅 BROWN & FRIENDS 一班朋友仔帶嚟幸福甜蜜嘅良辰美景，一眾 BROWN & FRIENDS 換上賀年新裝，喺商場中庭等待大家，7.5 米高嘅巨型「BROWN & FRIENDS心花盛放音樂盒」、「BROWN & FRIENDS甜蜜桃花隧道」、「BROWN & FRIENDS祝福滿滿霓虹燈牆」等多個打卡位，喜歡 LINE FRIENDS嘅大家別錯過呀！

如心廣場商場 XLINE FRIENDS幸福花見迎牛年
日期：2021年1月19日至2月28日
時間：10am-10pm 費用全免
地址：如心廣場商場露天廣場

14. APM：金牛祈福遊樂園

金牛迎春 APM 將以《金牛祈福遊樂園》為主題，佔地3,000呎的「金牛祈福遊樂園」特別與國際級時尚插畫家 Jeffrey Fulvimari 合作，打造 6 大福氣景點，包括「祈福藝術金牛陣」、「互動體感錦鯉池」、「幸福桃花長廊」、「智能手機撈金魚」、「金牛幸運盒子提取機」及「潮牛許願扭金蛋」，大家仲可以用手機大玩撈金魚遊戲，幸運扭金蛋獲取鴻運牛金幣添！

APM X金牛祈福遊樂園
日期：2021年1月21日至2月28日
時間：1pm-9pm
地址：觀塘觀塘道418號

15.Megabox：Sanrio characters六星賀歲天燈園

今年 MegaBox 與 Sanrio 聯手打造「MegaBox．Sanrio characters六星賀歲天燈園」，一眾人氣 Sanrio 家族成員 HELLO KITTY、MY MELODY、布甸狗、KEROKEROKEROPPI、大口仔、AP鴨齊齊換上新春賀年服飾，與一眾粉絲喺天燈園齊齊迎春接福！

Megabox XSanrio characters六星賀歲天燈園
日期：2021年1月15日至3月14日
時間：11am-9pm
地址：九龍灣MegaBox L5中庭

16. KCP九龍城廣場：全齡‧傳承‧擁抱愛

農曆新年事事講意頭嘅賀年文化源遠流長，大街小巷張燈結綵，人人由歲晚開始忙於籌辦年貨和布置，KCP 九龍城廣場嘅「全齡‧傳承‧擁抱愛」新春全城轉運樂消「搖」將延續響噹噹嘅搖搖旋風，傳承賀年習俗文化傳統。一幕幕 80 年代家家戶戶賀年嘅喜慶場景，打造出 6 大福氣主題打咭及展區：逾八百個金光閃閃搖搖組成嘅 4 米高環保《許願「搖」錢樹》、《「搖」來運轉風車許願亭》、《福星照满屋打咭區》、懷舊賀歲《動感搖搖錯覺幻視藝術區》、本地薑一鋒原創《搖搖傳承跨世代巨型港漫打咭區》和展出過百稀珍嘅《歷代珍藏搖搖展區》，讓港爸港媽重拾童趣。

KCP九龍城廣場「全齡‧傳承‧擁抱愛」新春全城轉運樂消「搖」
日期：2021年1月15日至2月26日
地點：KCP九龍城廣場

6大福氣主題打咭及展區
日期：2021年1月中旬至2月26日
時間：10am – 10pm
地點：KCP九龍城廣場B1樓層中庭

17. 屯門市廣場：屯牛報喜

「市區」人當屯門居民家家有牛，以牛代步...有見及此，屯門市廣場就將各屯門經典建築以玩味方式打造成 6 大打卡熱點 —「屯門牛中心」輕鐵站、搞笑原創「屯公廟」、有求必應的「屯牛大仙」像、懷舊冬菇亭為主景的「牛氣勃勃」墟市、大紅大紫的屯牛大興風車陣、海天一色的屯門牛碼頭海濱長廊，細緻刻劃出「屯門牛」嘅生活日常，絕對是區內外居民新春必到景點！

屯門市廣場「屯牛報喜」
日期：2021年1月28日至2月28日
時間：10am – 10pm
地點：屯門市廣場1樓中央廣場

18. HomeSquare：摩登桃源迎千春

充滿挑戰嘅鼠年即將過去，家家戶戶開始花心思為家居換新妝，張貼揮春，更換地氈，送舊迎新，期盼牛年轉大運，家宅安康。為了呈獻新年新氣象，HomeSquare 就以象徵安居樂業、幸福美滿嘅「世外桃源」為題，融入現代藝術風格重新展現桃花源記所記載嘅深山流水、桃林百鳥，喺落英如雨嘅 14 呎高桃花樹指引下，進入沒有煩憂、人人富足嘅美好仙境。

HomeSquare X 摩登桃源迎千春
日期：2021年1月18日至2021年2月26日
時間：上午11時至下午9時
地點：沙田HomeSquare L1中庭

19. 東港城：新春花市

農曆新年臨近，今年更要應應節入手靚年花，希望來年轉轉運，送舊迎新。但可惜今年嘅年宵市場暫停，但買花開運仍是中國人嘅習俗，東港城為支持香港花農及方便市民選購年花，率先喺 1 月 22 日起呈獻東港城新春花市限定店，今年展期長達 21 日，限定店店面面積亦比往年更大，以疏導人流，讓大家舒適地慢慢挑選。

東港城新春花市
日期：1月22日至2月11日
時間：上午11時至晚上9時
地點：東港城1樓117-118號舖

20. 德福廣場、青衣城：新春年貨大街

農曆新年將至，德福廣場及青衣城將於即日至 2 月 28 日攜手推出「新春年貨大街」，匯聚唔同特色主題攤檔，由傳統賀年食品、手工製作 賀年小食、醬油調味、海外地道美食、卡通主題禮品以至賀年花藝擺設均有發售，讓大家輕鬆辦年貨，與親朋戚友共迎開心佳節！

德福廣場及青衣城「新春年貨大街」
日期：1月22日至2月28日
時間：早上11時至晚上9時
地點：德福廣場 1 期地下展覽場地、德福廣場 2 期 3 樓展覽場地、青衣城 1 期一樓 A 區及 B 區

21. D‧PARK愉景新城：暢遊大世界

D‧PARK愉景新城於2021新一年繼往開來，為繼續秉承「暢遊大世界」大型企劃宗旨，特意與「臺灣觀光局」攜手帶來矚目的偽出國景點—在台灣南投縣集集掀起全港首個逾 3,500 呎夢幻絕倫嘅「粉紅芒草園」，以真粉色芒草花穗打造夢幻仙氣的唯美粉系秘境！

D‧PARK愉景新城「粉紅芒草園」
日期：2021年1月17日至2月28日
地點：D・PARK愉景新城 L1 (元氣對出)

22. 葵芳新都會廣場：新春幸福蜜語

葵芳新都會廣場於今個新春及情人節特以「新春幸福蜜語」為主題，浪漫星光佈置由商場三樓戶外露天廣場延伸至五樓空中花園，除設有「愛的情書」大型裝置，更於戶外露天廣場設置「夢幻粉紅花海」，以過萬朵不同鮮花品種打造浪漫戶外園圃，營造姹紫嫣紅、情意綿綿的無盡打卡位，並構建具 10 種不同語言「我愛你」字牌的「愛語星光隧道」，別具心思。絕對是新春及情人節的必到熱點！

葵芳新都會廣場「新春幸福蜜語」
日期：即日起至3月14日
時間：上午10時至晚上10時
地點：新都會廣場L3 – L4露天廣場及L5空中花園

23. 新春潮拜玩樂遊

今個新年及情人節，Mikiki、屯門卓爾廣場、屯門 錦薈坊及屯門寶怡商場特別呈獻「新春潮拜玩樂遊」：以一個個草莓打造的紅粉甜心發放浪漫氣息， 讓您與摯愛以正能量滿滿的美好心情迎接開心節日；而一眾迪士尼與彼思動畫人氣大熱角色更會齊齊現身與大家盡情狂歡，與全港粉絲一齊共慶新春!

Mikiki「新春潮拜玩樂遊」
日期：即日起至 2021 年 3 月 14 日
時間：早上11時至晚上9時
地點：Mikiki 地下中庭

屯門卓爾廣場、屯門錦薈坊及屯門寶怡商場「新春潮拜玩樂遊」
日期：即日起至 2021 年 3 月 14 日
時間：早上11時至晚上9時
地點：卓爾廣場地下中庭、錦薈坊三樓中庭、寶怡商場電梯大堂

24. 太古廣場：步步高陞賀新年

太古廣場將化身為中式庭院，並綴以多種吉祥裝飾及年花，祝願各位步向更佳一年。踏入Garden Court，花團錦簇的景致映入眼簾。在彩雲的襯托下，庭院內繁花盛放，更融入月洞門、拱門及台階等傳統元素，營造出中式優雅氛圍。

太古廣場步步高陞賀新年
地點：金鐘金鐘道88號

25. 東港城：戀戀反斗部屋

東港城今年搵嚟大熱角色胡迪、翠絲、勞蘇及三眼仔等與《怪獸公司》主角們同大家齊齊開一個開心玩樂派對， 當中 2 大打卡房「開『心』浪漫部屋」及「勞蘇心動『莓』一刻」絕對是粉絲們必到潮點，於佳節製造無限浪漫驚喜；場內更設有 2 大巨型遊戲互動區「三眼仔火箭」 造型巨型夾夾機以及「反斗釣釣樂大作戰」，畀大家一展身手！

東港城「戀戀反斗部屋」
日期: 2021年1月22日至3月14日
時間: 上午10時至下午10時
地點: 東港城一樓展覽場

26. life@KCC：反斗獻禮狂想曲

life@KCC 今年有一眾人氣角色作為主題嘅「反斗甜夢嘉年華」，並設有 3 大遊戲及打卡區， 包括「心甜寶貝禮盒」、「三眼仔人人有禮」及「幸運火腿歡樂彩虹」，與親朋好友合照打卡之餘更可以大展身手！此外，大家亦可親臨 4 樓花園平台與巴斯光年一飛沖天，或於《沖天救兵》中的超過 4 米高發光氫氣球屋，與摯愛攜 手點亮新一年!

life@KCC「反斗獻禮狂想曲」
日期:2021 年 1 月 23 日至 3 月 14 日
時間:上午 10 時至下午 10 時
地點:life@KCC 3 樓、4 樓花園平台及空中花園 Green@KCC

27. 將軍澳中心：幸福魔法莊園

風靡萬千少女的《魔雪奇緣》今個新年繼續來到將軍澳中心！全新打造嘅「幸福魔法莊園」除咗有3大春日浪漫打卡秘景【溫馨滿溢花舍】、【浪漫花海庭園】以及【閃爍音樂噴泉】外，Anna男友克里斯托夫（Kristoff）更驚喜登場，與Anna在佈滿紫羅蘭花的莊園中來個浪漫相擁，幸福感滿瀉！

將軍澳中心「幸福魔法莊園」
日期：2021年1月中旬至2月28日
時間：中午12時至晚上8時
地點：將軍澳中心G/F中庭

28. PopCorn：牛來『運 轉』賀新歲

港鐵商場 PopCorn 呈獻「牛來『運 轉』賀新歲」賀年活動，超過 60 隻牛牛齊齊換上新春服飾，化身「招財牛牛」與大家一同迎春接福！場內仲設有金牛及風車定時運行轉動，當中 5 米高巨型金牛更會手執金元寳，向大家揮手招財，寄寓大家盆滿缽滿，牛來運轉！

PopCorn「牛來『運轉』賀新歲」
日期：2021 年 1 月 28 日至 2 月 28 日
時間：中午 12 時至晚上 10 時
地點：PopCorn 一期一樓中庭

29. 《貓．美術館》香港站 • 新春祭

北角匯為舒緩港人抗疫疲勞，原訂於 1 月 10 日完結嘅《貓．美術館》香港站，決定延長開放日期至 2 月 28 日，並剛剛完成變身大動作，全新加入東洋風嘅新年元素，並增設三大全新賣點：貓咪換新裝、新喵作送上愛的祝福以及獨家新品換領，令各位貓奴可趁佳節展開最萌、最治癒嘅新春之旅！

《貓．美術館》香港站@北角匯
日期：即日至2021年2月28日
時間：早上 10 時至晚上 10 時
地點：北角匯 1 - 3 期內

30. 銅鑼灣Fashion Walk

Fashion Walk中庭以「萬象」利是封為創作意念，設計出一系列藝術裝置，配以新春主角、高達 4 米嘅桃花樹，營造極好兆頭嘅巨型桃花陣，為全港市民帶嚟祝福！

Fashion Walk
日期：2021年1月11日至2月28日
地點：銅鑼灣Fashion Walk 中庭

31. THE FOREST：年宵Pop-up薈萃

今年疫情下年宵市場數量大減，THE FOREST 就由即日起至 2 月 28 日舉辦「年宵Pop-up薈萃」，集合不同特色 Pop-up Store 讓大家購入充滿特色的賀年商品，同時享受食、玩、買一站式娛樂！以及一連串賀年活動，優惠獎賞等緊你與親朋戚友共度佳節！

年宵Pop-up薈萃
日期：即日至2021年2月28
地點：旺角奶路臣街17號

32. ELEMENTS圓方：萬紫嫣紅花開富貴

ELEMENTS 圓方今年以花卉為靈感呈獻「萬紫嫣紅花開富貴」花藝裝置，將金區打造得繁花似錦，祝願大家新一年花開富貴！花藝裝置設有7米高的巨型花燈，花燈採用穿透式設計，讓顧客可以一覽無遺地欣賞花燈內的十多朵大型立體牡丹花。

萬紫嫣紅花開富貴
日期：即日至2021年2月28
地點：香港尖沙咀西九龍柯士甸道西1號

33. MCP 新都城中心：康泰吉祥錦鯉園

今個農曆新年，MCP CENTRAL & MCP DISCOVERY（新都城中心 2 期及 3 期）為大家送上新春至「瀛」祝福，特別呈獻《康泰吉祥錦鯉園》，讓一眾「瀛」人與摯 愛暢遊金光閃耀的神社，感受日本傳統新年的節慶氣氛！

康泰吉祥錦鯉園
日期：即日至2021年2月28
時間：早上 10 時至晚上 10 時
地點：MCP CENTRAL & MCP DISCOVERY (新都城中心 2 期及 3 期) L1 天幕廣場

34. YOHO MALL形點：小青森—都市農莊

「YOHO MALL形點」與日本青森縣攜手呈獻「小青森—都市農莊」重現日本當地文化及風景特色，迎接浪漫春日。商場重塑青森縣四大特色，以津輕風鈴、弘前櫻花、完熟蘋果及睡魔祭典，打造四大戀風「森系」打卡大型裝置。當中高70cm的「金魚睡魔燈籠」展品特由日本職人手工巧手精製直送香港。

YOHO MALL「小青森—都市農莊」
日期：即日至4月6日
時間：早上 10 時至晚上 10 時
地點：YOHO MALL I 地下園林

35. 奧海城大紅花燈老街

奧海城今年以4000呎古代街道場作主題，設有大紅花燈老街、小橋流水荷花池及桃花樹打卡位，更展示多款特色漢服與「AR虛擬漢服照相館」。除此之外，場內還有限定年宵市集，有近20個攤位供應不同特色美食、賀年禮品和年菜必備材料等，讓大家可以辦年貨。

奧海城大紅花燈老街
日期：即日至2月28日
時間：12時至晚上9時
地點：奧海城2期主題中庭

36. ifc新春花藝裝置

ifc商場今年以新春花藝裝置作賣點，從中融入當代花卉的元素，邀請了花藝師Ellie Kam金舒琪打造不一樣的新年感覺。以秀麗的桃花及典雅的牡丹為主軸，配以喜慶艷紅的吉祥年花遍佈商場，營造出新春祥和的氣氛。

ifc商場迎春福至桃花臨
日期：即日至2月21日
時間：早上10時30分至晚上10時
地點：ifc商場1樓
電話：2295 3308

37. 沙田希爾頓中心福牛賀牛年

沙田希爾頓中心於繁花庭園桃花樹下，設有四隻滿身印有布花紋的福牛，坐定定向大家拜年，齊齊新春行大運！

沙田希爾頓中心新春裝置
地點：沙田希爾頓中心地下大堂
日期：即日至2021年2月28日
時間：上午10時至晚上10時

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）