「亞洲水行俠」緬甸爆肌男模剃頭出家照曝光！身高188cm富二代 著袈裟都超型

緬甸24歲男模Paing Takhon因為俊俏外貌、健碩身材爆紅！滿身紋身獲封「亞洲水行俠」。佢原來仲係一名富二代，名符其實嘅高富帥。近日佢喺IG公開自己剃頭著袈裟嘅相片，禁欲氣質迷倒一眾網友！

緬甸男模Paing Takhon留住一把長髮，加上生得靚仔、又有六舊腹肌，喺網上爆紅，更獲封「亞洲水行俠」！

View this post on Instagram

A post shared by Paing Takhon (@paing_takhon)

Paing Takhon於1996年出生，今年先25歲，身高有成188cm，出身緬甸富裕家族，係當地一間銀行嘅繼承人。佢平時會喺IG post同小動物合照，高富帥又有愛心，難怪成為眾多女性心目中嘅男神！

近日佢喺IG公開咗剃頭出家照片，令一班fans非常震驚，原來佢為迎接新年，進行10日嘅短期出家，通過修行淨化心靈，更加了解自己。

佢雖然剃咗光頭，仍難掩英氣五官，著上袈裟令佢更添一份「禁欲氣質」，短短幾日已有超過15萬人畀like～

「亞洲水行俠」出家照一曝光即引起東南亞fans熱烈討論，有人表示「光頭係檢驗靚仔嘅標準髮型」、有人指：「終於明白點解個個想食唐僧肉」，更有fans封佢為「地表最帥和尚」。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）