新春盆菜2021|全港20+ 2至12位用酒店賀年盆菜推介及早鳥優惠最平$588起　仲有免運費（不斷更新）

By Celia on 19 Jan 2021

Digital Editor

世界很大，生命很短，做自己就好！

農曆新年仲有唔夠一個月就到喇！自去年疫情肆瘧爆發以嚟已有一年，情況時好時壞，而隨住第四波疫情更為嚴重，唔少人都為免成為「拜年群組」，盡量減少家庭聚會。不過無論情況點，一家人齊齊整整食一頓過年飯都係必然嘅！而唔少人更會選擇寓意「包羅萬有、盆滿缽滿」嘅盆菜，今次就為大家搜羅全港各大酒店大新年推出嘅推盆菜優惠，等大家就算喺屋企都會可過番個肥年！

每年盆菜嘅款式都差唔多，咁點揀先最抵？！今次為大家整合了全港酒店嘅盆菜，方便大家為新年作準備！

1. 8 度海逸酒店

8 度海逸酒店於農曆新年再次推出一系列自家製傳統盆菜，期望新一年與饕客步步「高」陞。「盆滿砵滿」喜慶盆菜選用咗原隻磯燒鮑魚、花膠、瑤柱、沙井蠔以及大蝦等多種上乘食材，分別提供 4 位、6 位及 8 位用 3 款。由即日起至 2 月 9 日或之前預早於 8 度餐廳或酒店 eShop 訂購更可享高達 8 折。

原價

eShop早鳥優惠價

喜慶盆菜

﹙4位用﹚

﹙6位用﹚

﹙8位用﹚

港幣$1,088

港幣$1,488

港幣$1,988

港幣$893

港幣$1,221

港幣$1,631

8 度海逸酒店（LINK）
地址：土瓜灣九龍城道199號

2. 香港逸東酒店
香港逸東酒店旗下中菜廳「逸東軒」雖然係米芝蓮一星食府，但其推出嘅盆菜價錢卻唔係特別貴，設有 6 人及 12 人份，用上十頭鮑魚、蠔豉、鰵膠、原條釀鯪魚等食材，而即日起至 2021 年 1 月 31 日預早訂購任何逸東軒食品包括盆菜，滿 $600 即有 85 折。

香港逸東酒店（LINK）
供應日期：由即日起至2021年1月31日，需於1日前預訂
地址：油麻地彌敦道380號

3. 如心海景酒店暨會議中心
酒店今年推出 3 款特色盆菜，有主打矜貴食材嘅「龍蝦鮑魚佛跳牆」，傳統地道嘅「好巿大利富貴盆菜」及素盆菜「素吉品如意齋盆菜」。訂購盆菜滿 $3000，即可免費送貨（需於3日前預訂）。另外，只要網上註冊成為 VIVVA 會員，訂購盆菜亦可享 75 折優惠。

如心海景酒店暨會議中心（LINK）
地址：荃灣楊屋道8號

4. 港島香格里拉大酒店
港島香格里拉大酒店中嘅米芝蓮一星食府「夏宮」今年就推出咗 2 款 6 位用盆菜，主打矜貴食材用料，如吉品鮑、發財蠔豉、家鄉釀鯪魚等。即日起至2021年2月8日，網上註冊貴賓金環會會員，訂購盆菜可享8折早鳥優惠。訂購自取者，每個盆菜送「新春賀年錦鯉年糕」一對。

港島香格里拉大酒店（LINK）
供應日期：由2021年1月31日至2月10日，需於2日前預訂。
地址：中環法院道

5. 香港朗廷酒店
香港朗廷酒店米芝蓮三星中菜廳「唐閣」今年首次推出 4 至 6 人食用瓦煲盆菜，雖然就冇折扣優惠，但只要預訂 2 個盆菜或以上，九龍區可以免費送貨。

香港朗廷酒店（LINK）
供應日期：由2021年1月20日至2月18日，需於1日前預訂。
地址：尖沙咀北京道8號

6. 帝京酒店
帝京酒店今年一共有 4 個盆菜選擇，由 2 位嘅迷你盆菜至 12 位份量嘅都有。材料包括韓國六頭湯鮑魚、蝦籽花膠、日本宗谷貝、乾燒虎蝦等。現於官網訂購即可享有 8 折優惠。而訂滿 $1000 ，更可享油尖旺區免費送貨，而訂滿 $3000 則可享九龍、港島或新界區免費送遞一次。

帝京酒店（LINK）
供應日期：由即日起至2月28日，需於1日前預訂。
地址：九龍旺角太子道西193號

7. 香港天際萬豪酒店
香港天際萬豪酒店推出 4 位、6 位及 12 位用盆菜，其中包括 8 大矜貴食材，包括波士頓龍蝦鉗、紅燒原隻澳洲鮑魚、鮑汁扣花膠等。即日起至 2021 年 2 月 25 日，於官網訂購有 9 折。

香港天際萬豪酒店（LINK）
供應日期：由2021年2月1日至2月28日，需於3日前預訂。
地址：赤鱲角航天城東路1號香港天際萬豪酒店

8. 香港九龍東皇冠假日酒店
酒店中菜廳「紫粵軒」今年特別設有 2 人份小型盆菜「鮑魚聚寶盤菜」，同樣包含 16 款食材如 8 頭鮑魚、花膠、海參等，適合2人小家庭浪漫團年。「鮑魚聚寶盤菜」2人份量原價 $588，於官網訂購可減$50；4人份量原價 $1688，於官網訂購可減$100。2021 年 2 月 9 日至 14 日（年廿八至年初三）不設優惠。

香港九龍東皇冠假日酒店（LINK）
供應日期：至2021年2月28日，需於1日前預訂。
地址：將軍澳唐德街No. 3號

9. 沙田凱悅酒店
酒店中菜廳「沙田18」行政總廚張康民師傅自小喺元朗長大，今年推出嘅 4 位及 6 位用盆菜，喺傳統盆菜上，加上原隻鮑魚和花膠，仲有必嘗盆菜中最花工夫嘅客家燜豬肉。即日起至 2021 年 1 月 31 日，於官網訂購有 88 折早鳥優惠。

沙田凱悅酒店（LINK）
供應日期：由2021年1月15日至2月28日，需於2日前預訂。
地址：馬料水澤祥街18號

10. 香港麗思卡爾頓酒店
香港麗思卡爾頓酒店於農曆新年呈獻經典冬日盆菜，酒店廚師團隊搜羅多達 18 款矜貴食材包括五頭原隻鮑魚、滋補花膠、爽口海參、特級瑤柱、黃金蠔豉和特大海蝦等，另加 $300 更可配螺頭竹笙燉菜膽及腿蓉蟹肉燕窩羹頂級湯品，每款皆附上一份瑤柱蛋白炒飯、飄香荷葉飯或生炒臘味糯米飯，絕對是傳統盆菜的昇華。

盆菜分別設有 1 人、2 人、6 人及 8 人份量，可於酒店外賣自取，亦可加錢送遞。
九龍區：每個地址+$250
港島區：每個地址+$350
新界區及港島南區：每個地址+$450
離島及海外除外。
預訂電話：2263 2160

香港麗思卡爾頓酒店（LINK）
地址：香港九龍柯士甸道西1號環球貿易廣場香港麗思卡爾頓酒店

11. 銅鑼灣利景酒店
銅鑼灣利景酒店推出「利」市好「景」大盆菜，讓您在家享受酒店豐盛美饌，在家與親友歡聚，為來年添好運！「足料」盆菜共添入22款大廚精心炮製食材，包括紅燒六頭鮑魚、原隻滑口花膠筒、日本原粒大元貝、流浮山特級金蠔豉及日本極品花菇等。由即日至 2021 年 1 月 31 日（必需於2021年1月31或之前預訂），限時早鳥優惠。