【日本排行榜2021】日本十大人氣紙包飲品　Cafe Ore 包裝最特別/ Lipton 百年品牌夠經典

唔少人去日本玩都會好鍾意行便利店，事關入面咩都有得賣，而且種類選擇多，剩係企喺色彩繽紛嘅飲料陳列區前就已經出現選擇困難，唔知揀邊款好喇！而早前日本 goo 排行榜就搵咗 500 名 20 ~ 40 歲男女進行訪問，票選出對於喺消費者中最具吸引力嘅紙包飲品。

每次去到日本超市或便利店，必定會行嘅絕對係飲料區！一整排各種紙盒包裝嘅茶類、咖啡、果汁等等，從熟悉嘅產品到最新上市嘅口味，多到真係唔知揀邊樣好呀！今次不如睇吓由日本 goo 排行榜公布嘅頭 10 位最具吸引力嘅紙包飲品有咩喇！

10. 100％果汁飲料（100％果汁飲料シリーズ）
依款 100％ 果汁飲料係固力果嘅果汁系列嚟，甜美嘅紅蘋果同清爽酸味青蘋果完美給合，一盒仲有 270ml 添！

9. Minute Maid（ミニッツメイドシリーズ）
明治嘅 Minute Maid 果汁雖然係一個喺 1945 年創立嘅美國果汁品牌，但其 200ml 嘅小包裝設計，方便攜帶飲用，所以大受歡迎。

8. Lipton（リプトンシリーズ）
超過 125 年歷史嘅紅茶專家，相信大家都一定飲過。

7. Dole 100％
擁有逾 50 年製作果汁經驗嘅 Dole 100% 果汁系列，有多種水果口味，鳳梨、葡萄、蘋果、桃子等。

6. Cafe Ore（カフェオーレ）
圓錐體嘅咖啡歐蕾系列包裝喺一排整齊飲料排列中十分搶眼，而依款飲品更係固力果自 1979 年出品以嚟嘅超長壽飲料嚟添！

5. 森永Cocoa（森永ココア）
森永朱古力係日本首款自家製牛奶朱古力，咖啡色嘅包裝喺市場上一直都係人氣之物嚟！

4. Tropicana 100%（トロピカーナ 100%）
吸管直插水果象徵 100% 原汁原味，飲品包裝一目了然，簡單直接，除了橘子外仲有蘋果、葡萄、芒果等 7 款口味。

3. 野菜生活100
野菜生活系列係一款主打以蔬果攝取不足嘅忙碌上班族可以輕鬆補充蔬果營養素嘅綜合果菜汁。

2. Calpis Water（カルピスウォーター）
Calpis 是 Asahi 廠牌旗下嘅飲品嚟，清爽暢快嘅口感係夏天消暑良方，經典嘅藍色水玉點點包裝盒，簡單嘅配色令讓人印象深刻。

1.雪印咖啡（雪印コーヒー）
雪印咖啡從1963年推出以來，長年受到各年齡層喜愛，原先使用嘅係三角錐形包裝，但喺 1970 年後才改為我們現在熟悉嘅盒裝。55周年時，更推出特別包裝。

下次去到日本便利店或超市唔知揀咩飲，不妨試吓以上依啲推介呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）