新年好去處2021|時代廣場聯乘 kissmiklos 打造 emograms 「金銀滿屋福滿年」

雖然踏入咗 2021 冇耐，但唔經唔覺新春佳節又就嚟到啦！明白大家今年未必可以好似以前咁四處拜年，影靚相打卡，所以時代廣場特意同匈牙利藝術家 kissmiklos 合作！以佢嘅招牌 emograms（笑臉球）作為靈感，由即日起至 2 月 28 日期間，為港人呈獻「金銀滿屋福滿年」 計劃，仲有得換特色利是封同靚靚利是袋添！

kissmiklos 擅長用唔同元素為大家帶嚟視覺衝擊！佢就曾經用過 emoji 配搭唔同嘅英文字母，創作出經典嘅 emograms！今次時代廣場就同 kissmiklos 一齊創作「金銀滿屋福滿年」新春企劃，而佢亦都作出咗唔少突破，務求要令港人今年新年過得喜慶洋洋！

Photo from 時代廣場

商場入面設有多款 emograms 巨型吊燈，上面寫滿「LOVED」、「FULL」、「HAPPY」等等嘅喜慶字眼，加上金屬色調嘅設計，唔單止希望大家如意吉祥，更祝福各位金銀滿屋、一團和氣！

Photo from 時代廣場

地面嘅兩個巨型 emograms 都同樣吸睛！當中「LUCK」嘅金色 emograms 同埋中間嘅中文字「福」係 kissmiklos 為咗今次而特別設計，特別指數爆燈呀！

Photo from 時代廣場

時代廣場都想為眾多港人打打氣！所以特別準備咗巨型互動打氣專區，分別代表咗「甜甜蜜蜜」、「金銀滿屋」及「幸福滿滿」 。只要大家撳一撳前面嘅打氣裝置，打氣筒就會元氣滿滿，多個載住幸運嘅 emograms 就會開始翻滾，將好運同金銀都帶去你身邊！

Photo from 時代廣場

新年又點少得招財貓？kissmiklos 破天荒設計出首個非球狀嘅 emograms 招財貓，最大嘅仲足足有成兩米咁高！加埋後面寫住「KUNGHEIFATCHOI（恭喜發財）」嘅佈景板，喺度打卡仲唔帶走哂啲財運？

Photo from 時代廣場

商場中庭都有展覽出 kissmiklos 嘅經典設計，當中有「GOOD」、「SMILE」、「LUCKY」等等，一齊祝願各位香港人有個開開心心、好運連連嘅辛丑年！

Photo from 時代廣場

Photo from 時代廣場

除咗展品之外，時代廣場都特意準備咗用手鞠球作為靈感嘅新春限定「富貴團圓」利是封，同埋富有時尚感嘅「好事成雙」利是袋畀大家換領。

Photo from 時代廣場

只要喺 1 月 25 日至 2 月 8 日期間，喺時代廣場即日用電子消費滿港幣 $1,000 或以上（利是封）／$2,000 或以上（利是封 + 利是袋），就可以網上登記「Happy Rewards 推廣活動」做會員，再喺換領專櫃換禮品㗎啦！不過留意番，數量有限，換完即止！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）