【大澳遊2021】交通及打卡景點一覽　必到懷舊Cafe歎精品咖啡

自去年疫情爆發以嚟，大家都去唔到旅行，一星期返咗5日工，想周末去玩鬆吓但又唔知仲有邊好去，咁不如就去行吓有「港版威尼斯」之稱嘅大澳啦！大澳係一個擁有百年歷史嘅漁村，位於大嶼山嘅西面，以海產、棚屋、殖民建築等著名，同時依度亦保留咁舊日香港嘅純樸風味。

大澳懷舊棚屋慢活咖啡店

水上棚屋係大澳嘅特色景點之一嚟，喺上面可以見到大澳原居民嘅簡樸生活。而喺大澳依間懷舊咖啡店，主打嘅即磨精品咖啡，夠香又夠滑，仲要唔會好濃～坐喺水上棚屋中，一邊歎咖啡一邊享受依個舒適嘅環境，絕對可以令你忘記都市煩惱。

蘇廬 Solo
地址: 大澳吉慶街86-88號地舖
電話：9153 7453
營業時間：星期一至六：11:00-18:00 (*星期日休息)

百年歷史文物酒店

大澳文物酒店由 1902 年興建嘅舊大澳警署活化而成，係一間別具歷史價值嘅古蹟。酒店客房仲會根據大澳著名地標及水警官階命名。所以如果入住酒店，你可能就會住在將軍石、牙鷹角以及司令室等嘅房間中！

大澳文物酒店
地址：香港大嶼山大澳石仔埗街
聯絡電話：(852) 2985 8383
網址：https://www.taioheritagehotel.com/

少女藍色大涌橋

大涌橋除咗係地標之一嚟，仲係當地居民來往兩岸主要必經之路。淺藍色嘅橋身絕對係大家 IG 打卡嘅熱點！而當有般隻通過時，鋼製嘅大涌橋就會吊起。站喺橋上仲可以影晒大澳兩岸嘅棚屋添！

在 Instagram 查看這則貼文

Kai Leo（@kai_kai_leo）分享的貼文

地址：大澳永安街步行約五分鐘

新基大橋

而喺大澳中嘅另一條新基大橋亦係依度嘅最主要大橋，整條橋用咗紅色油漆嘅木料建成，兩側嘅欄柵以漁網圍上，富有漁村風味。

在 Instagram 查看這則貼文

♛ ĸт（@katyyyleung）分享的貼文

睇完咁多打卡又點可以唔同大家講埋點去呢！入大澳一共有 3 個方法，分別係巴士、船同纜車：

巴士（東涌站巴士總站 -> 大澳）
由東涌出發，於巴士總站乘搭 11 號巴士即直達到大澳，上車點位於東薈城有蓋巴士站。車程大約需時 50 分鐘，約 20 分鐘一班。

詳情：LINK

船（東涌或屯門碼頭 -> 大澳）
從東涌或屯門碼頭出發，可乘搭由富裕小輪有限公司營運嘅渡輪，東涌來回大澳船程約 33 分鐘；而屯門來回大澳船程則約 1 小時，繁忙時間每 30 至 60 分鐘一班！

詳情：LINK

纜車（昂坪 -> 大澳）
而如果大家計劃一整日嘅時間都會喺大嶼山，咁不妨選搭纜車，飽覽大嶼山美景。大家可以喺東涌纜車站乘坐纜車至昂坪，全程約 25 分鐘，再步行至昂坪市集旁邊嘅巴士總站乘搭 21 號巴士至大澳，車程約 20 分鐘。

詳情：LINK

嚟緊新年又有幾日假，不妨同家人入去行吓！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）