龔嘉欣爆好姊妹陳凱琳再懷孕？直播中應承送熊公仔：買隻送畀你個女

陳凱琳同鄭嘉穎育有兩個仔仔鄭承悅（Rafael）同鄭承亮（Yannick），早前同好姊妹龔嘉欣開Live傾偈時，龔嘉欣竟大爆料指陳凱琳懷上第三胎？仲要係B女添？

陳凱琳（Grace）同龔嘉欣感情一向好好，之早龔嘉欣喺《萬千星輝頒獎典禮2020》中奪獎，陳凱琳雖然無出席，但都有即刻恭喜好姊妹。

龔嘉欣仲做埋Grace仔仔嘅契媽！

早前佢哋齊齊喺IG開隔空合體live，陳凱琳同龔嘉欣大談好友間嘅趣事。

直播期間，陳凱琳對龔嘉欣梳化上而嘅熊啤啤非常感興趣，點知龔嘉欣即爆響口透露陳凱琳「懷第三胎」？

龔嘉欣話：「買隻送畀你個女！」疑似爆料好友再度懷孕，更成功「追女」！

不過陳凱琳隨即否認：「無咁嘅事！」龔嘉欣亦「補鑊」表示係想好友快啲生多個女，因為陳凱琳同老公鄭嘉穎嘅大仔Rafael遺傳咗父母優良基因，越大越可愛，而且聽話又叻仔！

之前Grace並無否認想「追女」，指老公都話睇佢意願，佢表示順其自然，目前都係想照顧好兩個仔先！

圖片來源：陳凱琳、龔嘉欣Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）