情人節2024｜香港情侶拍拖好去處推薦！10大約會必到打卡熱點

即將到情人節！除咗行街睇戲食飯，香港仲有好多地方可以去，睇靚景、打卡放閃，地點遍佈港九新界，室外室內都有，情侶們不妨參考下！

延伸閱讀：情侶9大打卡勝地推薦 山頂公園/下白泥/海濱長廊

1. 長洲一日遊

無得去旅行，近近哋去下離島嚟個短暫度假都唔錯！長洲有唔少美食，仲有好靚嘅行山路線添！

即睇長洲有咩必食美食：長洲一日遊4大打卡必食推介

俯瞰長洲最美景色：長洲新手行山20分鐘即到全島最高點北眺亭

2. 南丫島一日遊

除咗長洲之外，南丫島都係唔錯嘅選擇！南丫島仲有唔少打卡景點，包括海景cafe、日落碼頭等。

打卡景點地址：南丫島4大必到打卡景點

3. 西九文化區

西九文化區藝術公園有一大片草地，仲坐擁無敵大海景，絕對係野餐好地方（仲可以帶埋寵物）！附近仲有文化設施、餐館、輕食店等，同伴侶飲返一兩杯，chill一chill佢～

西九文化區不時會牛辦文化藝術活動，啱晒文青去拍拖！

交通：港鐵九龍站E4出口

4. 鰂魚涌海濱花園

海濱長廊長約500米，面向維港，有超大寵物公園，適合有養愛寵嘅情侶約會，公園涼亭亦頗有特色，喺度散步、緩跑都唔錯～

交通：港鐵鰂魚涌站B出口

5. 將軍澳單車館公園

單車館公園遠離煩囂，有超大草地，仲有唔少設施，包括露天劇場、緩跑徑、極限運動場、攀登牆等，仲有單車徑，喜歡運動嘅情侶可以考慮下去嗰度拍拖！

交通：港鐵坑口站B出口/將軍澳站A出口

6. 迪欣湖

中意踩單車、野餐嘅，迪欣湖環境優美，佔地約30公頃，有全港最大人工湖，係打卡好去處之一！

除咗踩單車外，仲有水上活動，包括腳踏小艇玩～

交通：港鐵迪士尼站步行約15分鐘

7. 大館

大館不時有展覽展出，仲會舉辦工作坊、音樂表演等文化活動，大館仲有好多商店，包括餐飲、購物，情侶喺度約會足一日都得！

交通：中環站D1出口（會德豐大廈）沿皇后大道中步行往上環方向，於域多利皇后街交界左轉，經100QRC內之自動扶梯以及中環至半山自動扶手電梯直達大館／香港站E出口（國際金融中心一期 — One IFC）沿中區行人天橋步行至前中環街市，經中環至半山自動扶梯系統直達大館

8. 石澳情人橋

石澳情人橋之前被颱風吹毀，現已修復完畢重開！傳說橋身只容兩人通過而得名，加上「情人橋」浪漫嘅粉藍色，情侶打卡必到！

其實除咗情人橋，仲有歐陸風彩色小屋同石澳泳灘，都係打卡勝地：石澳歐陸風彩色小屋5大打卡位

情人橋附近仲有大頭洲可以欣賞到海天一色嘅景致：懶人行山半個鐘！大頭洲觀浪

交通：筲箕灣地鐵站A出口搭新巴9號巴士，約隔15分鐘由筲箕灣巴士總站開出，石澳為總站，車程約半小時／筲箕灣地鐵站A出口，係峻峰花園小巴總站搭小巴

9. 鶴咀

鶴咀有香港最老燈塔，有唔少秘景，可以聽到治癒嘅浪聲：短線行山2小時行勻鶴咀靚景

交通：筲箕灣巴士總站搭9號巴士

10. 露營

香港有好多營地都適合新手：【新手露營懶人包】5大新手營地推薦、11項必帶用品清單、揀帳篷教學

想去露營又懶得做準備，露營車啱晒：貝澳超靚露營車咩都唔使帶 人均$500

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）