2021 牛年 4 大開工吉日吉時你要知！老闆/打工仔必睇！

今日就已經係 2021 牛年，先同大家拜個年，祝大家身體健康，全球各地快就回復正常，大家可以去旅行鬆一鬆！正所謂「一年之計在開工」，牛年揀個吉日吉時開工，喺嚟緊一年都可以做事順順利利。而今年牛年嘅開工吉日吉時，一共有 4 好日子畀大家揀，喜迎辛丑牛年行大運。

其實每年都有首選及次選幾個新年開工吉日嘅選擇。一般決定用邊一日嘅話，大家都會先留意當日有冇同自己生肖相沖，若有相沖嘅則最好另擇吉日。

首選開工吉日：

次選吉日：

雖然今年大年初四係開工開市吉日首選，但因為係公眾假期，所以一般打工仔都唔使返工，但如果你係肖鼠嘅話，就建議大家不妨請多幾日假，選擇另一個吉日開工喇！

又或大家可以簡單咁喺屋企整理一下文件、寫寫字，象徵喺吉日當天已開工亦可以。而老闆們可以回公司象徵式啟動電腦，毋須做足全日。

至於 work from home 或者放緊假嘅打工仔，如果都想可以喺吉日吉時開工，增添全年吉利，不妨試吓以下依啲方法：

1. 放緊假嘅打工仔可以喺吉日吉時返公司同老闆打聲招呼，並喺吉時返自己坐位稍坐片刻。

2. 如初四吉時前已經開工者，就可以喺吉日吉時前喺公司沉默不語，唔好同老闆、同事打招呼及講嘢，靜待吉時先開口才開始正式開工。

3. Work From Home 嘅打工仔就可以喺吉日吉時向老闆及同事，以Email或者即時通訊軟體中講一啲新年吉利賀詞。

另外，除咗選喺吉日吉時開工，唔少打工仔最想增添嘅就係財運，大家就可以試吓依個「聚財百家錢」，透過聚集財氣暢旺嘅人畀嘅錢，提升自己嘅財運。

大家只要喺收到開工利是或獲得大客戶嘅酬金後，將部分現金放進利是中，再加少許茶葉及白米，藏於夾萬或家中隱蔽之處即可。

不過大家唔使擔心，依個並唔係借運，只係沾染富有人家嘅旺氣嚟加強自己聚財能力，故對他人無害。

最後祝大家新一年財源滾滾、老闆們生意興隆！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）