泰妹點解皮膚咁好？泰國必去護膚品彩妝集中地，便宜又好用產品大推介！

去泰國你有無留意好多泰妹皮膚都好好，但明明泰國天氣咁熱，應該好易出粒粒。原來佢地會用泰國本地品牌嘅護膚品，專門針對炎夏天氣所帶嚟嘅皮膚問題。小編就推介你去呢個護膚品加彩妝集中地，睇下泰妹究竟用乜野產品先～～

Photo from eveandboy

Eveandboy係泰國一間連鎖彩妝店，齊集本地同國外嘅彩妝、護膚品、香水、個人護理等產品，而且價格相宜，泰妹成日都會嚟shopping㗎！亦經常有大大細細嘅折扣優惠！

Photo from eveandboy

咁究竟泰妹用乜野產品嘅呢？mark定佢下次去泰國一定要大手入貨啦！

1. Natriv BB 爽身粉

Photo from eveandboy

泰國天氣咁熱，成日都會出汗，痴笠笠嘅感覺好辛苦呀！所以泰國人鐘意用爽身粉搽係容易出汗嘅地方，例如頸，無化妝都會印少少上面，控油又有防曬成份！細細枝帶出街補都好方便

2. Madame Heng （阿婆香皂）

Photo from eveandboy

呢隻阿婆皂可以用嚟洗面沖涼，含紅松籽萃取有效預防皮膚老化；而薑黃成份防止暗瘡粉刺形成，皮膚變得健康有光澤。最重要洗完唔繃緊，又平又好用！唔少人去泰國都會一箱箱咁買返去送禮自用，係必買手信之一！

3. Z-cool頭髮乾洗噴霧

Photo from Google

出汗好容易令到頭髮變笠，set好咗嘅空氣瀏海都會變barcode頭啦～～呢個時候dry shampoo就大派用場！噴一噴頭髮回復原狀，呢枝仲有清新花香味，即刻無哂頭油味～～

4. Srichand 定妝碎粉

Photo from Google

泰國老牌子碎粉，出名控油定妝，係泰國有60 幾年歷史。添加咗緬甸有名嘅天然木香粉，可以防曬、保濕等，有美容功效喔！

5. Dr. Somchai 暗瘡凝膠

Photo from Google

去泰國坐得多辣野，如果唔係泰國人體質，都好易生暗瘡！梗係要即刻急救，呢個暗瘡凝膠係gel狀，可以完全覆蓋暗瘡表面，隔絕細菌，約2-3天會消退，成份天然不刺激

6. Mistine 眼線筆

Photo from Google

應該係泰國第一人氣彩妝，身邊嘅女性朋友去泰國都一定會買枝傍身。筆尖夠幼身又畫得順，最重要係防水防油能力強，夏天仲使乜怕溶妝呀！

Photo from Eveandboy

記住去泰國帶定彈藥行Eveandboy啦！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）