37歲濃妝陳妍希鼻影太勁走晒樣！40歲淡妝張柏芝完勝艷壓全場！網民：講樣無人贏到！
Photo from 《乘風破浪的姐姐2》
《乘風破浪的姐姐2》播出後，張柏芝差唔多期期都成為焦點，一開賽觀眾已被佢外貌迷倒，大讚佢係凍齡美人。
Photo from 《乘風破浪的姐姐2》
除咗張柏芝外，「小龍女」陳妍希亦獲讚氣質美人，重返《那些年》巔峰美貌，佢素顏清秀可人令人眼前一亮！
Photo from 陳妍希微博
點知喺新一集佢嘅妝容出事，成個人大走樣，網民紛紛表示認唔出！？
新播一集佢表演《瑯琊榜》主題曲《紅顏舊》，同組仲有張柏芝、楊鈺瑩、阿蘭等。陳妍希繼廣為人知嘅《神雕俠侶》「小龍女」後，再度以古裝造型亮相人前。
Photo from 陳妍希微博
不過今次佢妝容超濃，尤其係個鼻，似乎鼻影打得太勁，喺舞台燈光下顯得相當奇怪唔自然，濃豔眼妝令眼尾上揚，成個人多咗幾分妖媚感覺，同平時楚楚可憐嘅清純形象截然不同！
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
對於陳妍希呢個舞台look，網民就唔係太欣賞，話佢平時更好睇，認為濃妝唔係好襯佢，令佢變晒樣。
Photo from 《乘風破浪的姐姐2》
Photo from 《乘風破浪的姐姐2》
相反同組嘅張柏芝造型就大獲好評，觀眾都被佢迷倒，指佢完勝艷壓全場，其他人完全被比下去。
Photo from 《乘風破浪的姐姐2》
其實張柏芝喺節目初期已獲網民評為「盛世美貌」，但到後來因為唱跳實力有限，所以開始引嚟非議，喺練習過程中柏芝不時大笑，亦被網民指責唔認真對待，工作態度有問題。
Photo from 《乘風破浪的姐姐2》
到正式表演，佢表現普通，企正喺中心但唱跳都唔達標，最後竟以超高排名第4位晉級，令好多觀眾不滿，加上佢纖幼嘅手腳、腰肢等fit爆身型被揭原來係靠P圖！令人好感全無。
Photo from 《乘風破浪的姐姐2》
正當大家都對佢實力不抱期望之際，張柏芝新舞台再度引起熱議，原來呢個古裝造型令人諗起佢18年前喺電影《老鼠愛上貓》「白玉堂」一角，盛讚佢18年不老。
Photo from 《乘風破浪的姐姐2》
Photo from 《老鼠愛上貓》
Photo from 《乘風破浪的姐姐2》
柏芝拎扇都有種英氣，表情靈動，網友再度被佢美貌「收服」，指佢同其他人企埋一齊高下立見！
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
《紅顏舊》舞台：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【乘風破浪的姐姐】8位女藝人素顏照曝光！張柏芝零毛孔/伊能静差好遠/陳妍希少女肌
4 Feb 2021
大陸綜藝節目《乘風破浪的姐姐》令唔少女藝人翻紅，出演節目嘅女藝人全部都已經出道，但個性各異，挑戰歌唱、舞蹈都好落力。除咗實力之外，佢哋嘅外貌亦令大眾驚訝。姐姐們個個都30歲以上，但仍keep得好好，就算素顏都唔失禮！
《乘風破浪的姐姐》邀請咗30位30歲以已出道女藝人翻出演，佢哋各有魅力，第一季播出後得到唔少好評，隨即推出第二季。兩季中都有唔少香港熟悉嘅女藝人參加，睇下佢哋素顏與舞台妝嘅差別～
#鄭希怡（Yumiko）
今年40歲，係第一季《乘風破浪的姐姐》出演嘅香港代表之一，佢更成功入到最後總決賽。
化妝照：
Photo from 鄭希怡微博
Photo from 鄭希怡微博
育有一女嘅Yumiko，素顏下五官仍然清秀。
素顏照：
#陳松伶
今年50歲，同樣有出演第一季，因為有唱兒歌而獲稱「松松姐姐」，多年嚟仍保持「童顏」。
化妝照：
Photo from 陳松伶微博
Photo from 陳松伶微博
素顏下嘅陳松伶皮膚唔錯，不過亦有網友指佢與上妝後完全唔同樣。
素顏照：
Photo from 陳松伶微博
Photo from 陳松伶微博
Photo from 陳松伶小紅書
#鍾麗緹
今年51歲，育有3個女兒，曾奪1993年國際華裔小姐冠軍入行，喺舞台上明艷照人。
化妝照：
Photo from 鍾麗緹微博
Photo from 鍾麗緹微博
鍾麗緹平時都經常素顏出巡，相當自信！唔少網友話佢撞樣那英。
素顏照：
Photo from 鍾麗緹微博
#黃聖依
今年38歲，出演周星馳電影《功夫》而為人熟悉，生有兩個仔仔。
化妝照：
Photo from 黃聖依微博
黃聖依素顏膚質超好，更白裡透紅！眼睛略為無神同埋顯得髮際線好高。
素顏照：
Photo from 黃聖依微博
Photo from 黃聖依小紅書
Photo from 黃聖依小紅書
#伊能靜
今年53歲，育有一子一女，係節目中年齡最大嘅參加者。
化妝照：
Photo from 伊能靜微博
年過50，伊能靜算keep得ok，不過同妝後相差頗遠，眉毛較淡。
素顏照：
Photo from 伊能靜微博
Photo from 伊能靜微博
Photo from 秦昊微博
#張柏芝
今年41歲，育有3子。係第二季參賽者，佢一出演便獲網友大讚係大美人。
化妝照：
Photo from 《乘風破浪的姐姐》
張柏芝素顏膚質極好，零毛孔獲網友大讚盛世美顏！
素顏照：
Photo from 《乘風破浪的姐姐》
Photo from 《乘風破浪的姐姐》
#容祖兒（Joey）
同樣今年41歲，貴為香港樂壇「天后級人馬」，Joey成日自信晒素顏！
化妝照：
Photo from 《乘風破浪的姐姐》
佢素顏照雖然有filter，但都睇得出皮膚好，不過素眼眼距都幾遠。
素顏照：
Photo from 容祖兒IG
Photo from 容祖兒IG
Photo from 容祖兒IG
#陳妍希
今年38歲，當年喺《那些年，我們一起追的女孩》飾演女主角「沈佳宜」而爆紅，更一度成為好多男性心目中「初戀女神」。
化妝照：
Photo from 《乘風破浪的姐姐》
Photo from 《乘風破浪的姐姐》
陳妍希素顏超少女！皮膚緊緻，就算啱啱起身都非常清秀！
素顏照：
Photo from 陳妍希IG
Photo from 《乘風破浪的姐姐》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《乘風破浪的姐姐2》張柏芝曬超僵硬舞技！全程甩beat+沙聲 被網民笑「似壞咗嘅機械人」
1 Feb 2021
Photo from 《乘風破浪的姐姐2》
選秀節目《乘風破浪的姐姐2》請咗唔少30歲以上女藝人出演，其中為港人熟悉嘅出演者有容祖兒同張柏芝兩位。
張柏芝今年41歲，已育有3子，佢之前主要都係拍戲比較多，不過都有出過唱片，但柏芝嘅歌都係以抒情曲為主。
Photo from 《乘風破浪的姐姐2》
日前節目播出第二期，張柏芝罕有表演唱跳，大晒舞技，其實喺《理所當然》舞蹈課上佢已學得好吃力，手指點都做唔啱，明明係蘭花手，但做出「雞爪」嘅感覺。
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
張柏芝喺學舞時多次強調唔中意跳性感舞，覺得「好唔張柏芝」，又一直忍唔到笑，不過佢都有指會努力學好舞蹈。
Photo from 《乘風破浪的姐姐2》
到「唱跳考核」環節，張柏芝一身螢光黃鴨嘴帽加外套非常搶眼，又自言無壓力，似乎信心滿滿。
Photo from 《乘風破浪的姐姐2》
點知一播歌佢已慢咗一拍，之後全程甩beat，手腳超慌亂，舞步僵硬，更跳到上氣唔接下氣，沙啞嗓音唱歌好似唸經咁，幾乎係將歌詞讀出嚟。
Photo from 《乘風破浪的姐姐2》
Photo from 《乘風破浪的姐姐2》
張柏芝邊唱邊笑，評判都睇到勁尷尬，跳完之後柏芝更大嗌：「根本不可能唱著跳啊！」
Photo from 《乘風破浪的姐姐2》
對於張柏芝喺學舞、表演過程中不停大笑，有網民認為係唔專業嘅表現：「划划水就能掙錢，還一堆人誇可愛，什麼玩意兒」
Photo from 微博
不過亦有好多網民被張柏芝「盛世美顏」吸引，大讚佢可愛搞笑，認為佢可以「靠臉c位出道」。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
