TVB昔日9大古裝美人！唐寧氣質脫俗/佘詩曼經典角色最多/黎姿精靈嬌俏

近年好少古裝劇播出後獲全城追睇，有唔少女星古裝造型相當有氣質，佢哋外型有古典美，演技亦好好，先塑造到經典角色！盤點TVB 9位古裝美女同佢哋嘅代表作，唔同造型都各有特色。

#黎珈而（黎姿）

黎姿係公認嘅美人，喺TVB演過多部劇集，包括喺《倚天屠龍記》中飾演「趙敏」，蒙古郡主造型有特色得嚟亦非常有英氣。

Photo from 《倚天屠龍記》

Photo from 《倚天屠龍記》

Photo from 《倚天屠龍記》

另外喺代表作《金枝慾孽》中飾演侯佳·玉瑩（玉瑩小主），黎姿嘅清朝裝扮亦相當有韻味，更令佢喺2004年榮獲「本年度我最喜愛的女主角」、「本年度我最喜愛的電視角色」兩項大獎。

Photo from 《金枝慾孽》

Photo from 《金枝慾孽》

#佘詩曼

近年上大陸發展嘅佘詩曼有出演唔少古裝劇，其實佢喺TVB就已經演過好多經典角色，唔同朝代嘅造型都carry得好好！

Photo from 《金枝慾孽》

《倚天屠龍記》嘅周芷若裝扮清麗；《金枝慾孽》清裝有種楚楚可憐嘅感覺；《覆雨翻雲》氣質出塵；《公主嫁到》造型高貴。

Photo from 《倚天屠龍記》

Photo from 《金枝慾孽》

Photo from 《覆雨翻雲》

Photo from 《公主嫁到》

#楊茜堯（楊怡）

楊茜堯初出道嘅古裝真係好靚！《天子尋龍》「慕容雪」雙髻造型靈動可愛、《大唐雙龍傳》演「李秀寧」，有大家閏秀感覺。

Photo from 《天子尋龍》

Photo from 《大唐雙龍傳》

《匯通天下》「喬蓁」都好美！好多造型都係古裝美人～

Photo from 《匯通天下》

#陳法拉

法拉嘅古裝劇唔算多，但佢本人已經係美女，著古裝都好有氣質！

《蒲松齡》「令狐小翠」係小家碧玉；《公主嫁到》演佘詩曼近身婢女「司徒銀屏」，喺咁多打扮雍容華貴嘅公主中都非常顯眼！

Photo from 《蒲松齡》

Photo from 《公主嫁到》

#唐寧

講到古裝美人，不得不提唐寧！佢喺《大唐雙龍傳》飾演嘅「師妃暄」到依家都仲係好多人心目中最美嘅古裝造型！完全係仙女！

Photo from 《大唐雙龍傳》

Photo from 《大唐雙龍傳》

《牛郎織女》飾演「喜鵲」，造型有種小姑娘feel，可愛！

Photo from 《牛郎織女》

#郭羨妮

1999年香港小姐選舉冠軍，《尋秦記》演「琴清」造型清純；《帝女花》演奸角「昭仁公主」，但同女主角佘詩曼演嘅長平公主一樣咁搶鏡～

Photo from 《尋秦記》

Photo from 《帝女花》

#文頌嫻

文頌嫻最為人熟悉嘅古裝劇就係《天子尋龍》，佢演嘅「碧瑤仙子」深入民心。

Photo from 《天子尋龍》

Photo from 《天子尋龍》

喺《金裝四大才子》中演「祝曉蓮」，佢非常適合演嬌俏角色。

Photo from 《金裝四大才子》

#向海嵐

向海嵐係1998年香港小姐冠軍，佢喺《無頭東宮》飾演大奸角「楚楚」，楚楚因為美貌入宮，佢喺劇中有幾個造型，各有唔同韻味。

Photo from 《無頭東宮》

另外《楊貴妃》亦係佢嘅代表作，演四大美人「楊玉環」毫無壓力，更係唔少人心目中嘅楊貴妃。

Photo from 《楊貴妃》

#李若彤

李若彤獲譽為「最美小龍女」，佢出塵嘅氣質完美演繹出姑姑不吃人間煙火，成為經典角色。

Photo from 《神雕俠侶》

Photo from 《神雕俠侶》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

細數TVB 8位身高逾170cm女藝人！選美出身多為高妹？

18 Dec 2020

身高比例係後天最難改變，原來TVB有唔少女藝人身高都達到，甚至超過170cm，而當中唔少更係選美出身，為大家盤點8位高妹，好多唔止有身高，仲有樣！

（可左右滑動看圖）

1. 呂慧儀

講起高妹，點可以唔提「長腳蟹」呂慧儀？有一雙長腿嘅佢身高達177cm！佢亦係2006年香港小姐季軍。

2. 劉穎鏇

2016年香港小姐亞軍，高中時期已參與好多女子籃球賽，身高有176cm。

3. 劉佩玥

2013年香港小姐季軍，身高有174cm，平時睇劇都發現佢身高相當優越！

4. 陳曉華

2018年香港小姐冠軍、2019年國際中華小姐冠軍，卸任後終於開始拍劇，其實佢身高達173cm。

5. 陳楨怡

2020年香港小姐亞軍，參選時表演豎琴超有氣質，佢身高有171cm（參選時），佢經常喺IG晒全身照，比例睇落應有175cm。

6. 張曦雯

2012年國際中華小姐冠軍，有樣有身材獲封「完美女神」！佢身高達175cm，近年劇接劇備受力捧。

7. 林淑敏

「大小姐」氣勢爆棚同身高都有啲關係，林淑敏身高有173cm，行出嚟已壓倒全場。

8. 湯洛雯

靚湯望落就唔似前面提及嘅女藝人咁高，但佢其實都有170cm。

發現以上盤點嘅高妹原來全部都係選美出身！除咗入到三甲嘅幾位，林淑敏參加2000年香港小姐競選入行，靚湯都係參加2012年香港小姐競選入行。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

TVB 1999年藝人月曆曝光！螢幕情侶合體 各種騎呢造型+Pose超攞命！

9 Oct 2020

亞視（ATV）喺Facebook公開1999年藝員月曆，當年嘅造型甫士嚇網民一跳，成為網絡熱話。有網友翻出同年TVB嘅藝人月曆，12對藝人合體，Pose獨特引人發笑。

亞洲電視（ATV）喺Facebook公開咗21年前嘅藝人月曆，有楊恭如、林偉辰、王薇、甄志強、韓君婷、歐錦棠、陳煒、陳啟泰、郭金、袁文杰、文頌嫻、石修。

佢哋嘅造型、甫士都成為熱話，有網民指：「終於明白咩嘢叫亞視味」。

本港另一電視台TVB於同年1999年嘅藝員月曆亦曝光，同亞視唔同，TVB月曆每個月有1對藝人合體。

1月：羅嘉良、張可頤

無論係造型定pose都非常正常，不過背景唔知點解要加3隻白鴿。

Photo from 1月：羅嘉良、張可頤

2月：吳啟華、郭可盈

2月係農曆新年，成個月曆都好喜慶。郭可盈上衣嘅大紅花好有鄉村感覺。

3月：于洋、薛家燕

家燕姐嘅招牌笑容，唔知點解令人諗起廣場舞......

4月：陳浩民、滕麗名

年輕人比較有活力，即刻準備好跑步～

5月：林家棟、陳妙瑛

光頭林家棟+泡麵頭陳妙瑛，呢pair嘅pose非常「攞命」。林家棟似跣親，陳妙瑛就好似想出龜波氣功咁。

6月：古天樂、宣萱

呢對上咗太空添！宣萱做緊熱身運動而古天樂直程已經係去到無重力個境界。

7月：黃智賢、張慧儀

個pose都正常，但對拖鞋令人好出戲......

8月：張家輝、蔡少芬

套衫嘅顏色令人諗起馬戲團。

9月：陳錦鴻、梁佩玲

呢對都幾sweet，相信係美術館concept。

10月：林保怡、陳慧珊

感覺超似健身操教練嘅宣傳照。

11月：黃日華、郭藹明

10月係健身操，11月呢對係交際舞導師。

12月：歐陽震華、關詠荷

歐陽震華、關詠荷係經典螢幕情侶，不過兩個人嘅造型都幾格格不入，Bobby著到成個校長咁，但關詠荷就似兒童節目主持人。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）